العشق درب محتويه الشوك ماهوب بحرير

رحنا على رجوى قدَرنـا يايصيـر اومايصيـر
طال الرجاء واقْفت ليالي حبنـا ماصـار شـيّ
غير العناء ومكابد الاحزان والطـرف السهيـر
والهم والغربه وهاجوسٍ طـوى الافكـار طـيّ
ياعشقي اللي ساكنن قلبي وانـا تـوي صغيـر
انا بعد فرقاك حالي مـاش! وإلا الوضـع سـيّ
احاول ارسم ضحكتي ،لو كان انا مانـي بخيـر
وآقول يادافع شموخي في نهار الضيـق عـيّ
لولأي اقوّي عزةً بـي مستمـده مـن مطيـر
يمكن تموت اغلى المشاعر لو خفوق الطيب حيّ
العشق دربٍ محتويه الشوك ماهو مـن حريـر
وانا وطت رجلي على شوكه وكل الشـوك فِـيّ
والعشق ماهو؟ فّي ياقلبي ترا عشْقـك هجيـر
عزالله اني عن هجير العشـق ماحصّلـت فْـيّ
والعشق ماقدّر كبير القوم عن ضحكـة غريـر
إللي غوى لذة عذابـه قال:كـل العشـق غـيّ
اي والله اني عاشقٍ مغـرم ولـي قلـبٍ كبيـر
ماشلت فيـه إلا غـرامٍ/ كاويـن مافيـه كـيّ
مغرم بمنهو آسرن قلبـي وانـا مثلـه آسيـر
ذكراه ظي الليل /لو ليلي ضـوى مافيـه ضـيّ
وحبه فتح له جرح واقوى جرح فالضلع القصير
ياحيّ جرحه صاحبـي ياحّـي كلـه حـيّ حـيّ
حيه وحي الشَعر من صدره ليا العجـز الآخيـر
لامن كتبته فيه، الاشياء شـيّ لوماهـي بشـيّ
واليـوم ياشعـري يطيـر الحـر وإلا مايطيـر
ماعاد تفرق ماتت النظـره لـو الخفّـاق حـيّ

مشكور على طرحك الرائع والجميل

متابع لك باهتمام

مشكورعلي ردك اخي العزيز

ينقـــــــــــــــــــــــــــــــل للـــــــــــــــــــــقسم المنــــــــــــــــــــاسب