كني وين أنقول خلاص

هذه قصيدة للشاعر المبدع فتحي القابسي :
كنى وين انقول خلاص اوصلتك نلقة مية هم
وكنى مانى كيف الناس اللى فى عقلى ماتلتم
اتعبت وتعبنى لفراق . وذابن فى صدرى الاشواق
ومانى عارف كيف اتم
كنى وين انقول اقربت الشط اتباعدنى الامواج
وكنى وين انقول افرحت ابغالى نصبح محتاج
ظنك مكتوبة فى لوحى يكمل عمرى مانرتاح
والا غير اوهام ابروحى بعد الليل يجى الصباح
من صغرى حسيت النار وقست اللوعة بدرى بدرى
نخفى فى دمعة الانظار وهابا ياما شايل صدرى
حتى وين الود عطيت مكان الود خذيت جفاء
وحتى كان نهار ازهيت زهاى يرد على ابكاء
اتعبت وتعبنى لفراق وذابن فى صدرى الاشواق
ومانى عارف كيف اتم
كنى وين انقول اى هانت وارتاحت من المشى اقدامى
جميع المدسوسة وين كانت تطلع نلقاها قدامى
ماعندى حظ امساعدنى ولانى مسعد فى خطواتى
ولا فيه حبيب امواعدنى ولا من يسمع فى احكاياتى
مامن باب اللى دقيتة مرصودات جميع ابوابى
مامن هم اللى حقيتةجانى من ناسى واصحابى
ظنك فى عودى لحكاية مهما نشرى حظى بايع
والا فيه خيال ورايا مهما نعشق ضايع ضايع
تعبت وتعبنى لفراق وذابن فى صدرى الاشواق
ومانى عارف كيف اتم
كنى دون اسلام الله احلامى ماهن مكتملات
وكنى غيبة وامراجاه ولوعة واسمور وسيات
محكوم عليا بالموح طاير لكن وين انهدى
اجروحى مليانات اجروح وما ملى ضاعت من يدى
لا ود يبرد لوعاتى لا ميعاد القيتا عامر
نسرق سرقة فى ضحكاتى غامرت ومازلت انغامر
حتى كان لقطت انفاسى مرة ماانتهنى بيها
ثانى يوم يعاود ياسى واللى نضحكا نبكيها
تعبت وتعبنى لفراق وذابن فى صدرى الاشواق
ومانى عارف كيف اتم

شكرررررررررررررررررا
تقبل مروري
تحياتي

مشكور