خطيت بالقلم

مرحب بيك من جديد ياغوالي مشاركتي للشاعر علي الساعدي.
ارجو ان تنال رضاكم
خطيت بالقلم خط البراوه منك .. أوفيتلك وخنتي في غناوة عنك
ويش انريدك .. لاتسانديني لانكون سنيدك
والله لانحدك لانكون حديدك .. ولا عروق دمي دمنا اربطنك
مثيل المهاجر ماثبت تاليدك .. تمغير مالغلاه للنظار يداننك
وبطلن وهن يجرن على تاييدك .. منين في صحايف سجلن حطنك
وذاعن محاقنهن خبر تأكيدك .. خذيت ميحن وافقت كيف ارضنك
سلطان عرشن فوقة تربع سيدك .. سلطان للغلا نقصد وهن طاعنك
حلفتي علاى مصحف بعد تصعيدك .. اتوصني غلاه انكان هن صاننك
وردود الكفاه تصغي حقوق عبيدك .. وينما البيعة والوفاه محنك
ثايرات يثاغن على تحييدك .. كيف حكم شاه ايران مايبنك
كاتب خطوط براتي .. منك اطوال عراض ومضاواتي
وحالفين في روضة شهود اثباتي .. من خوف نرتجع عشرة مضولي عنك
وعطاني الله الصبر طول حياتي .. لاشافن تراس لادالنك
نا هو على مازلت كي الزناتي .. لوحاطبي الزمان عوني منك
اللجام من ذكير انكيد قرقاضاتي .. شديد عزم من صبر الصبور محنك
وكيف الجبل ماسك طراف وطاتي .. مانخاف لو تحتي هواء وهبنك
وايام الغلاه بايع عليك حياتي .. انتي ناسية ماصار والله كنك