واجع العين خطاهم

واجع العين خطاهم

واجع العين خطاهم .. اعزاز غير ما ألقيت اللى يفداهم

عليش ساكته.

***

واجع العين أخطور .. خطاهم اللى ماله سبب مذكور

وعندى العقل من طول الرجاء مقهور .. حتى وهم غنايا جابده ذكراهم

لوكان البكاء ينفع بكايا جور .. عليهم اللى ماعاد هناك افداهم

امغير عاد ماعمره قضىَ صيّور .. ابكاء العين غير ايهوّنه فرقاهم

وحتى وهم غنايا حاجرين احجور .. رحيل خاطرى ديما ايسوق وراهم

***

طال ابكاها .. عليهم وماقبلت بحد علاها

عدّوا وخلّوهن اديار احذاها .. خاليات غير ايخطّرن ذكراهم

عليهن أن جت عينى ايزيد كداها .. وتنظر مطارح فى مكان القاهم

عرب قبل كانوا قوتها ودواها .. اليوم قاصره حتى على طرواهم

***

العين كديـّه .. لها زمان ماباتت الليل هنيـّه

وبليل طار عاليـّه على واطيـّه .. ومن طول الرجا يانى اليوم بلاهم

و ودّك الصحبه صافيه ونقيـّه .. يابلاش منها شطّبه مدعاهم

وأصحاب المصالح مالهم غيريـّه .. أنكان درتهم عوّل على فرقاهم

وكلاّ ضنا لجواد والبيتيـّه .. ان رافقتهم ما أتملّ من ممشاهم

وأن صاحبت صاحب صاحبه بالنيـّه .. ولصحاب فـالشدايد هم اللى تلقاهم

وخطّرها الاّ مدعَى اعزاز عليّا .. متخاطيين فـالرايات نا ويـّاهم

ولادرت سيّه تنقتل فى سيّه .. نظيف غير مانظفن أمعاي أنياهم

***

واجع العين وصار .. خطاهم ونا ع الموجعه صبّار

واللى قبل حاسبهم ولى أنصار .. وما يطولنى ضيم الزمان احذاهم

اليوم رادّين وجايـّين اصدار .. شورى ونا مسّع خطيت معاهم

لوكان الكفا بالعيب فيه أفخار .. نقدر انردّه مرتين اكفاهم

عربنا ايقيموا شكر من شكّار .. ولاينسمع حتى انكان شناهم

و ودّك الشاعر كان جاب اشعار .. يطرى اللى ديما رفيع نباهم

والدنيا قديمه حبل ع الجرّار .. وين الصحابه والنبى وضناهم ؟؟

وخطّرها الا مدعَى غلاء بأجرار .. متقطّعات فيه اقسام من يالاهم

وماعد انجبّد للقدم تذكار .. ولاعد أنخطّى خطوتين وراهم

***

واجع العين العيب .. وواجعنا م اللى قريب قريب

لوكان من امطرّف نتركه وأنسيب .. ونقول نا اللى بالك أبروحى واهم

وأنعدّه غلاء مول الغثيث غثيب .. اجواد قبل كانوا ينطروا باسماهم

ضرّنهم انياهم صافيات حليب .. عدوهم أن جاء رامى ايعيش معاهم

وماعاد يوصل فى جفاه طليب .. ايعيش فى هنا وقتاً ايطول احماهم

ولايحملوا عايب أن جاب العيب .. ردّادت اكفا هابا على مطراهم

اليوم فى البريقه حاضرين عصيد .. يوم تشكره منهم كبير اعداهم

و واجد وواجد غير وأيش انجيب؟ .. تبّيله شهر مافضّ شى ذكراهم

وهاذى الدنيا ريحها تقليب .. لجواد فيها قاصرات اخطاهم

واليوم وقتهم تمّا عطيب شطيب .. وفيهم اخثر واجد ومايسواهم

وسلامتكم

تسلم ايديك فرحات

مشكور ياخوى على القصيدة وعلى فكرة القصيدة للشاعر محمد بوسته

مشكور اخى فرحات

على كلامك الرائع

تقبل تحياتى

[ندعوك للتسجيل في المنتدى أو التعريف بنفسك لمعاينة هذه الصورة]

مشكور اخى فرحات

على كلامك الرائع

تقبل مروري

بارك الله فيك
احسنت وابدعت
شكرررررررررا تقبل مروري
وتحياتي
[ندعوك للتسجيل في المنتدى أو التعريف بنفسك لمعاينة هذه الصورة]

الله يسلم ايديك

مجهود رائع جداً

كل الود

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

القصيده ليست للشاعر بوسته وإنما هي للشاعر ابوبكر بوخماده المغربي من شعراء مدينة اجدابيا.

» العين ترف كي رف الجناح
» العين او الحســــد
» يا العين هيا شوره
» هوس العين والحسد
» العين ياعلم