كبّــــــرْنـــــآه .. للشّــاعر سيف الإسلام عقوب + رد الشّــاعر عبد الله قراب ::..

..:: كبّــــــرْنـــــآه .. للشّــاعر سيف الإسلام عقوب + رد الشّــاعر عبد الله قراب ::..
الشّــــآعـر :: سيف الإســـلام عقــــوب

كبرناه***حسب ماهناكش من يزيل غلاه*** هياله عزيزي وين كبرناه

نا كبرته ودرته علم واجد زمان سترته
بدت بينا عشره قريني درته ونا حسبت في العوزه انجي نلقاه
كبرت ف راسه وين ما عبرته وكبرت قدره والعرب يالاه
قتله غلاكم بالنفس حكرته والجسم لنقنك ملكت اعضاه
وبالعين ما كيفك عزيز نظرته وقتله زويلك نا نريد دناه
وياما غلط فيا بطيب عذرته وياما انسيته هك كبر اخطاه
والكاينه نا بحاجتي خبرته عطيته اذراعي هالخبيث لواه
والحق ماهو فيه في ناصرته ورديت عنّه ما نووه اعداه
واليوم نا راخي بعد حذرته لا نريد دنوه لا نريد لقاه

كبرناه***حسب ماهناكش من يزيل غلاه*** هياله عزيزي وين كبرناه

صدق روحه أمفكّر جهلنا لعبته وطروحه
مع كل راجل واخذاته سوحه لولا الحشم نا انقول ماريناه
بلاش قشوشة عدي هنك مربوحه وحق النبي هالقدر ما تسواه
لا اتقول كبدي في الغلا مجروحه ولا انقول زولك نا نصبت عزاه
لكن عرفتك من العرب مسلوحه لا عز ريتو لا لحظتو جاه
واجد القيتك واهمه وطموحه لكن خلاص الباب سكرناه
القول اسمعي خوذي اليوم نصوحه خليه تبنك ستر ما غطاه


رد الشّــــآعر :: عبد الله قراب (أبوريــــآن)

بعد كبرته......بلا بسمله وسط الجحيم دفرته
جانى على روحه.
بعد دلالته.....وعليت فى قدره وفى منزلته
وعطيته اسرارك فى الغلا امنته.....وقداش كبوه دارها وعذرته
وكمين موقف صعب فيه دعمته....وحتى وهوه ظالم بقوى نصرته
حسيت الندم فى كل ماسايرته.......ضميته ملفه فى الارشيف طمرته
دارجنايه......وتمادى وتفرعن ناصب الصوكايه
ما فاد فيه النصح من البدايه....وقداش مره من الخطا حدرته
وجابد سريب قديم دارحكايه....وربش على سكين بيه نحرته
وفجعيه كبيره كانت النهايه......جات ماكنه ياصحابى ودرته
وديره الواجب كون من العزايه.....واقرا عليه تأبين فى مقبرته
بعد كبرته......بلا بسمله وسط الجحيم دفرته
جانى على روحه