غناوة حسب الطلب

تذكير بمساهمة فاتح الموضوع :

السلام عليكم ورحمة الله
اعضاء هذا المنتدى الغالى . انه لمن دواعى سوروى ان اكون احد افراد اسرة هذا المنتدى الاكثر من رائع . ولذلك فأقترح لعبة غناوة على الطلب وارجو من الجميع التفاعل . وهى سهلة تتلخص فى ان يكتب احد الاعضاء غناوى او شتاوة وهو من يحدد الفاهق المطلوب للعضو الذى يليه وسأكون انا البادى با

(( سفيت فوق نار غــــلاك @@@ رديم صبر شالته او رقت ))

الفاهق المطلوب (( الفراق )

)

في غيبتي عليك تلوم، وانسيت يا غني غيبتك علي.
الغني

ان كان ماعليك عليش ... يبكي يريد عقلي ياغني

العقل

واخذ نوم العين وعقلي --- يالعزيز ايش امعقبلي
الغلاء

البخت انخلو فيه هناك علينا وين ايهف غلااااااك
لغلاء

ماغابوا ساعه من بالي
نين نقول نسيت غوالي
الرياف

عندي عين شكا ماتشكي *** لكن وين اترايف تبكي

لــــــــــــوهام

امرايفه علي لوهام.. ماالقيت عذر نمشي شورهن.

العزيز

ولا عزيز داير خير *** ولا اوقات فينا قمحنا ... البدو

ع البيت

بيت غلاي صعب تطييحه ..... حتي كان تقاوت ريحه

النسيان

ازعما كيف ايجيني نسو *** وبلا اعزاز انعيشو اخري ... البدو

العاقله

خذن العاقلة واربحن ... ليام ما امعانا قصرن

الخطا

ايريد الخطا بالغصب *** في عينه ابعيني ريتا

الغلا

البخت انخلو فيه هناك علينا وين ايهف غلااااااك
الرحـــــــــــــيـل

مالدار كل يوم رحيل *** للعين قيس مو قاسم ونس

العزيز

لا نا شكيت بداي ... و لا عزيز بيده عرف ... العقل

ماتهون يا عزيز علي .......... وانكان هنت هو يوم ميتي

النسبان

درناها بلا دبار == نسوة عزيز لو كان ساهلة = العازة

العازه طويلة عمر .... يا ريت الغلا جا كيفا

الغلا

كفارة غلا القديم ابكا عمر واصيام عالغلا
غلا لافي ع العين جديد غلا يردع لول ويزيد[b]
ع الياس

شديد لا اكبر لا مـــــات ... طويل عمر ياسي فى الغلا

.....قديم......

على ماداويته بالسم *** الخاطر موناسي لقدم

المرهون

انحز يامرهون سريبك................ ع الخاطر معاد يجيبك
الجرح

جرحني فوق الجرح جروح...........مشا سافر ماقال سموح.

الجرح

مشكوووووووور خووووي فرحات علي الاختيار الرائع

اجرحت روحها بغلا :::: تحساب المدواه ساهله

القسم

بالكن يجيبه قسم ... ردن عزيز منا بالكن

الرياف

» غناوة شتاوة*******
» غناوة علم قوية جدا
» شنو.........غناوة العلم ؟
» وجه غنَاوة لأحد الاعضاء أو للي في بالك
» غناوى وشتاوى ع الصبر والعزم