مابت البال تفــــــــــــــــــــــــــارق

حتى وهيه بعيــــــــــــــــــــــــــــــده...........تخطر فلانه كل صبح آكيـــــــــده
وتسبق اوقات النوم فمواعيــــــــــــده...........لين خاطري ماعد اقدر ينساهــــــا
مقهور من صغا ليام جاير كيـــــــــده...........هيه انغنت عدّت وهوه بلاهـــــــــا
ذايق امرارالوقت وتمرميــــــــــــــده..........وخطور طيفها وقلّة العين هناهـــــا
وماعاد عنده ف الحياه جديــــــــــــده..........عايش يعاود في قديم غلاهــــــــــــا
ضاقت عليه الواسعه من ريــــــــــده..........اللي الياس عن شبحه بعيد زواهــــا
حتى بعد غنواها............مابت تفارق خاطري ذكراها.............معاي سالمة
مابت البال تفــــــــــــــــــــــــــارق...............صورة عزيز النوم مني سارق
ومقلّل هناي وزاد كبدي حــــــــارق...............وملازم العين وجاي دون غطاها
حتى وهو غني عنّي بعيد وغــــارق...............فهموم واجده نفسى وراه خذاها
ما والفت لآخر اللي ما فـــــــــارق...............يماطل وما غيّر نهار اريــــــــاها
متمكّن غلا لــــــــــوّل امبيّن زارق...............ويظهر ولو مليّت غيوم سمــــاها
صحيح سالمة خلّت الخاطر شارق...............وغنيّت ولكن عاز من يسواهــــــا
حتى بعد غنواها............مابت تفارق خاطري ذكراها.............معاي سالمة

بجد قصيده في قمة الروعة
تسلمي على هذا الاختيار

اي والله قصير ومثمر يا بنت ابوادي

صح لسان الشاعر،،،،،،

وتسلمي ويسلم ذوقك يا بنت ابوادي ولاهنتي