ياصاحبي ودي امعاك انخرف مليان خاطري مليت

يا صاحبي ودّي معاك انخرّف مليان خاطري مليت غدير امطرّف

غدير في مصلوبة
بعيد ع العرب كاتف عليه اشبوبه
فوق م الطــوراي عذوتـه مكبوبه
مليـــــان نيـــــن لجالتـــه يذرّف
لا روده رايـــــــد علـي مــركـوبــه
و لا جــــاه وارد بالقداحـــــه غرّف
من قــل الماســـك حومته مهلوبه
فـي وطــن خالـــي ما عليـه اتعرّف
اعقيل اعطيّب
وما اتجيه غير اللي الرس اتشيّب
اللي توزنه ميزان موش اقريّب
ويطلع عطيب امعاه كي تصرّف
لا ترافقه لاعد ايجيك احبيّب
من حاشن عمل روحه خويل امترّف
يا ما فقدنا من رفيق ايخيّب
كريم وجه يندا موعطيب امجرّف

نري احكاية
تحيد جضار العقل حال الغايه
وتجيب البعيد قريب في سهرايه
وتسمع جديد مع سهاري شرّف
ميط م العرب ما يعرفوه اغنايه
وجملة سهاريهم العقل اتقرّف
لانريدهم لا يفهموا أمعنايه
ديمه معاهم ع الخطا نشرّف
ولا ينهضوك ولا بهم عنايه
كيف النعاج الراكه الهكرّف

نريد سهاري
في وطن منبوته رتم واجداري
وتلقى العزيب مع محاس حباري
في رق ساهل موش حيط حجرّف
ويبقى عليك الزول مو متواري
طول النظر فوق السراب امحرّف
هاناك يبقى منعدل مشواري
وتاخذ سهاري في جواب امزرّف

يا صاحبي ودي معاك نخّرف ميان خاطري مليت غدير مطرّف

الشاعر ادريس سعيد الشيخي

[ندعوك للتسجيل في المنتدى أو التعريف بنفسك لمعاينة هذه الصورة]

لك كل الشكر على اختيارك

لهذه القصيدة الرائعة

مشكورررررررررررررررررة علي مروركم العطر

» مليان يا بحر كيفك غياظ كامي
» ياصاحبى ودى معاك انخرف للشاعر ادريس الشيخي ..
» مليت رانى منه
» مليت من عد ليام
» ياصاحبي ماجد شي جديد ******** الافاهق كبير وكل يوم يزيد