ماعد دناك انريده...

للشاعر المبدع حكيم الجراري

*********

ماعد دناك انريده....خير مخطا خاطي خطاك أتزيده
...تعال قوله...
كل شي نصيب ...تعالقولها للعقل قبل أتغيب
انكان درتا يبقى اخطيك العيب ودارك علي دار الخداع بعيده
سعتا انوازوها ابطرح او طيب...ونقنوا مشاعر للفراق بليده
لا للملاقا ضحك وتشرهيب....لا للغياب ارياف لا تنهيده
افراق او نوايا بيض كي الحليب...اخلاف وموده للخلاف ضديده
واللي يمتلي في يوم موش صعيب...تعب عام ساهل فالخلا تبديده
الخونه امعاها كل ظن ايخيب....انصارت امنلي درت فيه عقيده
وسية الخاطم وين فيك ايعيب....ساهل اثرها كل شي ايحيده
ولا وين جاتك من طرف صاحيب....تمسى وتصبح من جديد جديده
كل شي اقسام قولها وتربح ما عليك ملام
الا العقل من عيبك امعاه اجمام....مليان غيض ماظني جفاك ايكيده
نصيحه اتعيش امعاك لاقدام....حجايج ايجنك من اعقول وليده
اصحى رد بالك من غرر لايام...وزهوة الدنيا كي اتجيك رغيده
اتبان هك في صورة النوع التام...وهوجوهره يشمل انواع عديده
اسا ايجيك في طي الكلام كلام...وتاجد وراء ضحكة الود مكيده
اسا اتشوف في بهرة الضي ظلام...وتلقى معا موقد النار جليده
هيالك الا درب السلام سلام....توطى او هي تحت الكراع هويده
وانكان هن جرن لك بالفراق اقسام...اتهون اللي باكي عليه اتريده
اوقات ايتحفن عالسبب لقدام....ووقات مالسعود ايجيك بيده بيده
فيه اتموح الخاطر ابرايك وراك امذوح
لاهو اللي حيطة رجاك امطوح...ولا اللي ظهر منك ابشي ايفيده
اوقات باجفا بيدك اتجيه اتلوح....ووقات مالغلا مالي امعاك رصيده
تضحك وهي بنة خطاك اتفوح...وتعزم وبيبانك عليه وصيده
لا تشغله لا عد عليك اينوح....كوى بعد خونة غلاك عليده
خذ درس حتى لو القيه امطوح...لا معاك لا معا غيرك الصوب ايريده
السارحه تبيلها عليش اتروح....واللي تزرعه بكره وراه حصيده
ماعد دناك انريده ...خير من خطا خاطي خطاك اتزيده

شكراً رزق على اختياراتك المميزة
بانتظار جديدك
[ندعوك للتسجيل في المنتدى أو التعريف بنفسك لمعاينة هذه الصورة]

بل الشكر
لك على كريم مرورك الذى اسعدنى
كل الود والاحترام

كل شي اقسام قولها وتربح ما عليك ملام
الا العقل من عيبك امعاه اجمام....مليان غيض ماظني جفاك ايكيده
الله الله ,,فعلا شاعر مبدع ,,تسلم رزق دواق في كل ما تختار
تحياتي

الاروع ولا اجمل مرورك العطر
تواجدكالكريم
ودي واحترااااااااامي لكى

» ماعد هناك جديد
» ماعد بلاك احملنا