سجل حضور هنا كل يوم بغناوة او شتاوة

تذكير بمساهمة فاتح الموضوع :

مشَيْت انْرِيْد انْعِدّ عَلَيْه اسْهِيْت قعَدْت انْرَضِّيفِيْه

عزا العقل فيك ادموع :::::::: عليك وين ما رايف بكى

العقل غير علي طاريك **يرايف يابال ايلاقيك

ماصدتلك يانوم .. في نهار والليل يخطروا

ازعما يا عزيز امعاك ** مظلوم نا والا ظالمك

نا عيني ضلموها هلها>>>> تبكي والموح مبهدلها

من البخت عوزوني فيه ** ناس مني ونا لهم

سامحتك ونريد سموحك يامرهون كويت اجروحك

في عوني وعون عزيز***** ارياح قسم ياريت يبرمن

يا القسم ناس اعزاز كذا ان كنت جياب جيبهم

ان كنت يا قسم جيب جيب اعزاز عيني اتريدهم

العقل مو خفيف يـــروج ... ثقيل كيف ميزان الذهــــــــب

يالقديم ايجيبك ملقي ... واتريد اسموحي ماتلقا

انريده رفيق طول العمر ::::غلا غزيز مو زايد على

مكتوبلها
ترايف عليك وشوقها يقتلها
العين بختها في الشوق مكتوبلها

اللي مو منام اخطور ... علي جورو جارحيني

لوكان نرقدوا فالليل ... غيابنا منامات يطرفوا

وقت النوم غوالي جوها .. ما من زعزاعه داروها ..

من ناره الى فالعقل نطرى عزيز والناس ودها

عزيز خذا غفوت لنظار ,,,,, امخليلي لوهام ستار

النار في ظلام العقل *** مكبوره خفا نين كوننت

تاكل بلا دخان ... جواني دقيلة نارهم

نبكوا ع اللي فينا طالت ** واندسوا للي مازالت

اصادرت نا وعزيز ... بمواجع بعد واجد غلا

العمر كيف يبقى عمر *** بلاك يا غالي علي

الله غالب هذين اقاسم معهن ما ينقل كلام