بلا عقل راه لنسان ماله قيمه **** حتى المال مايقدر علي تسقيمه

بلا عقل راه لنسان ماله قيمه **** حتى المال مايقدر علي تسقيمه

السلام عليكم

انشاء الله الكل في صحةطيبة

الشاعر: عبدالكريم بوجديدة

بلاعقل راه لنسان ماله قيمه *** حتى المال مايقدر علي تسقيمه

ولالهنيسه *** ولايبان شي منه علل في قيسه

المقعدمع بوعقل فوق الديسه *** خير من مساند خينا وكليمه

حتىوهو غني بيته اتقول كنيسه *** لامقابلة سمحة ولا تبسيمه

انجيتقاصده محتاس له تطليسه *** ايسبق اللام اليف والتطريمه

وبوعقليجبدلك اللي في الكيسه *** عند الطلب صاحب عناء وعزيمه

أصحابالعقول الزكيات حسيسه *** الله يدومهم في الوطن ديمه ديمه

بلاعقل راه لنسان مايصرف *** ولا له ثناء مشكور كان اطرف

بوعقليحكي كان صار مخرف *** وهاضاك يصنت ولا تكليمه

ساكتوكيف اتحتحته يجرف *** اتجرف اطراف البير في تقديمه

ترباسلا يعرف ولا يتعرف *** اتجي تفهمه تحتار في تفهيمه

بلاعقل راه لنسان ماله هيبه *** ولا يفرز الزينات كي العطيبه

داميناغادي وهو ف الصيبه *** وكي تنكشه تلقاه كي الرميمه

أمغيرقفيضه *** لايدير خير ولايهاب فريضه

مطلوقفي دنية الله العريضه *** بلامواخذه لكن بلاتشكيمه

حتىالدين مو داير عليه فريضه *** ساقط من التكليف كي البهيمه

رد الشاعر عقوب الشرمي :

بلا عزم ماتقدر اديربصيره *** حتى الساهلة تبقى عليك كبيره

اعزم بشجاعه *** وراك العطيب اتعامله بطباعه

شور الكرم عجل أمشي في ساعه *** ان ما خسرت مالك ما تنال شكيره

وراه العمر مو دايم قليل متاعه *** صيوره الحي ايموت يبقى سيره

لابد م العيشه بعدها ميته *** وما ينطرا لنسان غير بصيته

ودك الراجل كي اتجي في بيته *** يلاقيك يشرهب بلا تكشيره

او واجد اللي ماتاكله حريته *** ولا يوم بالزينات يسبق غيره

رقيق الغرض يفرح انكان عطيته *** وان جيت تاخذ ما تنول بصيره

البخل مصيبه *** وراه الحي ماياخذ أمغير نصيبه

ودك الراجل يختشي في العيبه *** وديمه علي الغلبان له تدبيره

واجد اللي بيته عليه الريبه *** لا ينطرا بالزين لا له سيره

مايوم راعيته أخسر من جيبه *** قرشه أغلا من الروح في تضهيره

يارجاله *** راه الحي ماينطرا الا بفعاله

لاقداك تبخل لا تدير فساله *** اللي تصرفه يرزق الله بغيره

أوحق هللي ضاوي عليك هلاله *** ماينغنا مخلوق من تدبيره

خليك صاحب طوله *** راه الكرم وصى عليه المولى

وخلي كلامك دايما في أصوله *** كي تكون عاقل يقبلوك الجيره

زكاتك ابغير صلاة مي مقبوله *** واللي فارضه ربك عليك اديره

كون ابجاوي *** واعزم بشدة عزم واصحا تاوي

راه البخل ماكيفه اهناك بلاوي *** اللي خالطه ماعاد اتجيه ستيره

وراه الطبع علوه كيف هالعلاوي *** حولوه ماقدروا علي تغييره

رد الشاعر غالب بومطير:

الطبع مايتحول *** مع الروح ربي خالقه م لول

اهناك ناس مقعدهم اتريده ايطول *** وهناك ناس ماتقبل لهم تخطيره

وفيهم اللي يبقى كريم امجول *** شديد عزم ويقاسم امعاك الميره

فيهم اللي شاقي امغير ايعول *** غالية عليه العقل يكره غيره

مايحب اصحابه *** وبيته امظلم دوم كي الخرابه

لاضيف يلفى لاعليه نقابه *** ومبسوط من رايه ومن تفكيره

ويحسب الدنيا جمع مال وصابه *** ولايريد صيت ولايريد شكيره

هاضاك سيبك منه *** لاهو ثناء طيب ولاهو جنه

قليل خير ماعنده عليك محنه *** انكان جيت ضيف ايسبق التكشيره

وصاحب الكرم تلقاه واخذ طنه *** ويرضوا عليه الناس سمح السيره

أهناك واحد خايب *** امخالف ومايسمع الراي الصايب

كثير الغلط تلقاه ديما عايب *** لا ف الرفق ينفع ولا ف الجيره

مايجيب للعيله الا المصايب *** وفي الهايفة تلقاه له تصديره

اهناك واحد هادي *** لايجيب عيب ولا يرده عادي

لاهو كرم واجد ولاهو خرابة نادي *** متوسط وجاي غطاه دوب حصيره

امفيت العويلة والمرا والزادي *** وابهيماته مايريد بصيره

وفيهم اللي تلقاه راجل عادي *** ولد ليل وافعاله أفعال خطيره

اهناك راجل روحه *** واهناك راجل ينطرا ف السوحه

واهناك راجل زايدات اميوحه *** عقله كبير ايفك ف التحسيره

للضيف عنده مندرة مفتوحه *** قوال خير ويكره التزويره

وجهه بشوش ونفس دوم سموحه *** ومخلص وكي لون الحليب ضميره

وانت عقلك زاكي *** وقولك امحكر موش دق حناكي

ياعقوب نشكيلك ابنوع مشاكي *** شاغلاتني منهن ونا في حيره

غيات في خفا منهن الخاطر باكي *** وان بحت بيهن يفضحن السريره

وان كان قلت ديري يالعين عزاكي *** تنهال بالبكا خايف اتبات ضريره

شكرا على الطرح

تسلم رزق على الذوق

رزق كالعادة مميز.. ذوق راقي واحساس مرهف يظهر في اختيارتك,,
صح لسان الشعراء فعلا ابداع وكلمات كلها قيم ومبادئ,,تقبل خالص ودي وتقديري

كلمات معبرة جدا ...... وياريت الناس تفهم وتتعض

كلالتقدير والاحترام
على روعه التواصل
دمتم فىحفظ الرحمن ورعايته

[ندعوك للتسجيل في المنتدى أو التعريف بنفسك لمعاينة هذه الصورة]

اختيار رآآئع شــكراً لك
تســلم يدكـ وصح لسان الشاعر
لكم ودي

[ندعوك للتسجيل في المنتدى أو التعريف بنفسك لمعاينة هذه الصورة]

شكرا على هذاالتواصل العطر

[ندعوك للتسجيل في المنتدى أو التعريف بنفسك لمعاينة هذه الصورة]

شكرا

بارك الله فيك

[ندعوك للتسجيل في المنتدى أو التعريف بنفسك لمعاينة هذه الصورة]

» اللي مايقدر علي نسياني
» معلومات قيمه عن القران الكريم
» كيفية ذبح الاضحية (( صور)) اللي مايقدر يتحمل المنظر لايدخل
» باكستاني يقف على جسد أبنته من أجل المال
» صاحب المال الرابح