وصف الباديه اليوم

السلام عليكم ورحمة العزيز القدير
لكم تحياتي وتقدير واحترامي جميع من هم داخل بدو ليبيا.
مشاركتي اليوم نوعاً ما نصح او اقرب الي الفكاهة ارجو ان تجد اقبال منكم
حالة البدويـة
سبحان من امغير حالة البدويه بلا اقناع تمشي راسها عريان
والخيل تمت جاره عربيه والابل هتايا مالها رعيان
واولاد العرب مايلبسو طاقيه امفيت مشط وامرايه وعطر ادهان
حتى العريبي دارنا اجنبيه ماعاد لنا ف الوطا مكان
احنا احدودنا من دولة التركيه من وادي المرا للسلك لعليان
واللي مجاورتنا ناس في امغبيه عريض الكفل والجوف والمسلان
ايجي راشق المنظار فوق نصيه دوب جبهة الفارس عليك اتبان
سعادي عصارا هل عناه قويه اطوال العنان الحال والجيران
ان صار اللطام اللي علي ادعكيه مشهورين في زغبه وفي الطليان
واحنا فوق منهم في وطاه عفيه امجاورينهم جيرة هنا واحسان
كسابين لكحيلا وهي ابدويه ماتحب دار الشط ف التشان
مراضها قعاري في وطاه خليه في المرار ولا ولد زيدان
وايجن اقفولها زدوات م السيويه حمولها علي حيل اصغار اسمان
وين ما يجيها ضيم م الصفيه نحموها بمنشر عملة الطليان
اوقات نذكرو في الورد كل عشيه وايجن اوقات غزايه مع الغزيان