نقدر نحكيلكم عن افراحنا امس واليوم في بعض المناطق
لكن بنحكي عن الافراح في العاصمة
وانتم كملوا معاي منطقة منطقة
زمان في طرابلس وفي غيرها تقريبا ..العرس هو هو
خطبة تقليدية للولد وفيها يمشو اماليه يجسوا النبض عند امالي العروسه.
وكان وافقوا يمشو الرجالة يتموا ويدفعو والعرس يوصل حتى سبعه ايام وسبعه ليالي.
وكان مليح يشوفها مرة والا اتنين قبل الدخلة.
المصاريف معروفه شويه فجرة وشوية دهب والعزومة.
اليوووووووووووووم
يتعرفو اما في الشارع واما في الكلية واما عالتيليفون والا النت.
وزي ما قال محمد حسن
عامين بالعين تمقيل. وعامين ضرب المعاني. وعامين دز المراسيل . وعالعام جيته وجاني.
بعده يحبوا بعض وفترة خطوبة ربي يعلم بمدتها.
عندك الفضانية. والبيان ومصاريفهم. وزيد العيدية وفي العاشورة والميلود بيرفع لزومها.
وممكن يتزوجوا وممكن بعدين ما يعجبهاش او ما تعجباش.
وكان صار وتزوجوا عندك اهم حاجة احجز في الصالة والزمزامات.
طبعا الصالة اللي اقل من 1500 اخييي بيئة.
والزمزامات اللي اقل من 500 شلافطيات قاعدات يتعلموا.
طبعاً كلامي مش عالكل لكن الاغلبية. واللي والله يديروا في الجمعيات والسلف المصرفية ويتسلفوا من الناس كله بيش ينستروا قدام امتاعينهم واللي نحكيلكم فيه واقع طرابلس.
فسمعوني واقع منطقة تانية
تحياتي
الأحد ديسمبر 15, 2019 10:18 am من طرف عاطف0
