مسابقة بدو ليبا لغناوي العلم والشتاوي

تذكير بمساهمة فاتح الموضوع :

السلام عليكم ورحمة الله وبركاته

لايسعنا في هذه اللحظات المباركة إلا أن نتقدم لكم جميعاً اعضائنا الكرام بالتهاني

والتبريكات بقدوم الشهر الكريم ،،،، شهر رمضان المبارك ،،

فكل عام والجميع بخير وأعاده الله علينا وعليكم بالطاعات ،،

:4543:

على بركة الله تنطلق مسابقة بدو ليبيا لغناوي العلم والشتاوي في هذه المساحة وفقاً للنقاط التالية ،،

- مسابقة إسبوعية لترشيح أفضل غناوة خلال كل أسبوع،،

- يتم تحديد فاهق وحيد لكل أسبوع ،،

- يسمح للمشاركين بمشاركة واحدة لكل عضو في كل دورة أسبوعية ،،

- يتم ترشيح الغناوة في نهاية الاسبوع من قبل المنظمين للمسابقة ،،

- سيتحصل الفائز أو الفائزة على وسام تكريم خاص بقسم غناوي العلم والشتاوي بالإضافة إلى نقاط تمييز تضاف إلى رصيده ،،

:4543:

حرصاً منا على إثراء تراثنا الجميل نأمل من الجميع المشاركة والتفاعل ،،

أصدق التحايا ،،

الولهان

للخاطر بعد حولين *** عزيز فضوته موش وقتا

مكان قبل عندا كان *** عزيز غير غيري غيرا

في شان يا عزيز غلاك .. دسيتهن سواياك كلهن

غلا عزيز في التاريخ ... مكتوب هو دوا حال خاطري

احسبت اعزاز يجونى جــــــــي...مشيت لهم ماسالوا فــــي

السلام عليكم ورحمة الله وبركاته

مشكورين ع الحضور المميز والمشاركات الأكثر من رائعة ،،

فكلنا فزنا بمشاركاتنا وإحياء روح المنافسة الشريفة وإظهار ألوان تراثنا الجميل ،،،،

،،،،،،،،،،،،،،،،،،،،،،،،،،،،،،،،،،،،،،،،

والحاصل على وسام الفاهق لهذا الاسبوع هو

الفائز ولد البراعصة ،،

والغناوة هي

(( في شان يا عزيز غلاك *** دسيتهن سواياك كلهن ))

مسابقة بدو ليبا لغناوي العلم والشتاوي - صفحة 2 203589470

مسابقة بدو ليبا لغناوي العلم والشتاوي - صفحة 2 203589470

:4543:

وحظ أوفر للجميع في المشاركات القادمة ،،

تحياتي ومودتي الصادقة ،،

السلام عليكم ورحمة الله وبركاته

تنطلق المنافسة هذا الاسبوع والفاهق هو ،،

(( الصــــــــــــــــــوبــ ))

مع تمنياتي للجميع بالتوفيق ،،

ارق التحايا

الف مبروك للفائز

ارجو منكم التقيد بشروط المسابقه

وتكون الردود فقط للغناوي فقط وليست لتهنئه

سماحته هاك وهيت *** الصوب موش مزابه بينا

متورخين في الخاطر ... اعزاز ما نسيناه صوبهم

سماحة الغلا والصوب........ايجن اصداف عقال يفهمو

العقل هو اللي غلطان ... زرع الصوب فى ناس قاصره

بعد صوبه ما نبي صوب ~~ انسكر نقالي وانتوب ...

حسوفه انكان اخربت *** بنيه ركاح ياصوب اوتعب

صاحب صوب عطيتا حقة..........كان قرضني تقعد نقة

صوب عزيز ملكني كلي ماقرعة للناس مخلي.

القدر هو جار الصوب ،،،،، اللى عليه ياعين البناء
القدر هو رديع الصوب ،،،،، إن غابن قوانينه أعدم

علي حالي داير صوبين...........انسيت غلاكن يا ليدين

قليل وين في هالوقت ..... تلقي عزيز يستاهل غلا .....

ايهون كل شي يا عين ... إلا الصوب وأصحاب الغلا

الصوب وانت راقد ريح @مفروض مااتجي في حومته

زعما يا عزيز امنيش ... غالي بلا صوب دايره

مبدوعه نديروا صوب @تصير في عقابه مخادعه

قصرن اخطاي يا منحاز ... والصوب تلحقه غَيبة الجهد

كاره مداعى الصوب. لانريد قديمين لاجـــــــــــــــــــــــــدد

» ** الحوار بغناوي العلم والشتاوي **
» قوانين ولوائح قسم غناوي العلم والشتاوي
» الفائز في الاسبوع التاني من مسابقة غناوي العلم
» الفائز في الاسبوع الثالث من مسابقة غناوي العلم
» الفائز في الاسبوع الرابع من مسابقة غناوي العلم