الهجالة(ملكيتي)

ياهجالة.......الوقت يتغير كل يوم فحالة .....بكرا يجيك نصيب ياهجالة


يالكبيرة ....يلي اوصافك من البنات الخيرة
انتي الحنونة الطيبة الاميرة.....فيام عزك شبحتك قتالة
ومازال عندك من جمال وسيرة......الناس كلا شاهدين اقبالة
يم االانظار الحادة الخطيرة .........كل من شبحهن اتخد في حالة
غزال اريلي من وطن طاهم خيرا ........يصعب علي البنداق والقتالة
سمح الطبايع بوعيون كبيرة.......مازال مايحودد اوصاف جمالة


غير اضحكي ومايهمك....يلي اربيتي فعز باتك وامك
قدام العرب معروف حرة فدمك .......وهلك ناس من عيلة تريس اعدالة
مشايخ اكرام ودمهم من دمك .......فيك مايرضوش بلبطالة
اقرابك وفزعة من ضنا بن عمك......فشانك تعدي ارواحهم شنتالة
ديمة معاك افرحتك وفهمك.......علي ضحكتك انفوسهم ميالة
تداعك البنوت في خشوش ملمك.......يهيمن معاك ادموعهن سيالة


يجيك نصيب....يلي فهيمة وماتديري عيب
وكل شي ياتي من بعد ترتيب ........وكل حد منا اينال مافي باله
امنيتك في ولد بيت عز وطيب.....وناسة اكرام لضيفهم عوالة
يلمد عربهم من بعيد قريب.......ويجوكم فجبهة للعقد حلالة
ويطلبوك من باتك يبوه نسيب......وتبدا العيلة ماكنة فعالة
وتمشي علي كرمود ماهو عيب.....هكي عوايد ناسنا الرحالة
والناس فرحانة معاك تخيب......هايمين جملة نسون ورجالة
فرسان دارو عقد بم سبيب...... هلي انعلها في الوطا جندالة
وحس الرصاص يكح دار ثغيب......موكب زعامة قايمين احفالة
وتعيشي حياتك في اشواق حبيب......مايوم يرضا يشوف فيك زعالة
عز ودلال وجود وصدر رحيب........وانتي رفيقة في الحياة جوالة
تقيمي البيت وما فيوم ايسيب......وللعرب شاهيك جنب العالة
الله يسعدك مايوم خير يغيب......ويامكم تمشي حياة دلالة

ياهجالة.......الوقت يتغير كل يوم فحالة .....بكرا يجيك نصيب ياهجالة


من اشعاري..................اسامة المقرحي

كفوا علي اللوم يارجاله..ماهي رزاله ..نعشق اعيون اسماح في هجاله

___________________________________

لك كل الشكر على هذا العمل الطيب والرائع

في هدفه وفي لذة قراءته ..

ودمت مبدع مميز ...

فعلاالموضوع موضوع شاعر مخضرم
تناولت قضية تستحق لفتة من كل السعراء
وانا بدوري سأحاول قتناء الموضوع
لك جزيل الشـــــــــكر

[ندعوك للتسجيل في المنتدى أو التعريف بنفسك لمعاينة هذه الصورة]