يا جمر مانك طافي ....لشاعر الكبير : على شحات الفاخرى

يا جمر مانك طافي حتى وينما هلته عليك السافي

حسيت لذعتك

يا خمر مانك مابي تبرد و ننسى في قديم اتعابي

الغايب اللي طايل عليه غيابي و طايل مع طول الغياب اريافي

يا جمر ما واريتك و ما بالرديم برادتي غطيتك

و اخطيتم سبايب ولعتك وانسيتك نحسابك ألا باقي رماد وهافي

اليوم في كنيني ملتحم حسيتك الله و العليم انم تريد تلافي

يا جمر تشفي فيّ نساتر عليك وما سترت عليّ

و تبان كل ما ننوي نبان قوي قوي صهد متوزهر تريد اضعافي

قلت الغلا منّه نفضت ايديّ و ناوي بما كافه عزيز نكافي

و بان كل ما نحساب كان خفي و كيل الوفا في الصوب مو متكافي

و ثار في كنيني وين قلت أهدي بركان كان في غفوة واطف غافي

عليك نكابر و مازلت تكوي في ضلوعي كابر

و نا عن سريب الصوب تبت وكابر و قانع و نطوي في اوراقي املافي

و من كبري علي صهدك الكابر كابر عليك وعلي روحي و شوقي نافي

و نحساب روحي ع الغوالي صابر رديت ردني بوقه املوّع وافي

يا جمر بين ضلوعي عليك في خفا سافي رديم بطوعي

و صابر و حابس في الجفون دموعي و نقول ما نجدد من جديد حسافي

و حال غايتي ما عاد ننصب نوعي و لا عد جديد نقول حيه أولافي

بعد جار سيل الياس في مشروعي و خرّب زروعاتي و نوّض كافي

معاند ورافض في الغرام ركوعي و كيف ما جفا الجافي نويت نجافي

بقول لا حفرت ولا نتق جربوعي عزا ألقيت من شاعر غليلي شافي

ومع ريح دوب أتهب مي هيزوعي وزهرت وانت كاين في رمادك خافي

لشاعر الكبير : على شحات الفاخرى

الله يبارك فيك

بارك الله فيك
اسعدني مرورك
عبد الباري
.كل الود

شكرا على الطرح صديقي

[ندعوك للتسجيل في المنتدى أو التعريف بنفسك لمعاينة هذه الصورة]

شكراً
تسلم يدك وصح لسان الشاعر

» ياجمر مانك طافي *** حتي وينما هلته عليك السافي ***حسيت لذعتك
» مالك ومال غرامه لشاعر الكبير عبدالسلام بوجلاوي
» هذه ألقصيده لشاعر الكبير محمد بوهارون الزوي ونحب نضيف إن ألقصيده غير منقوطة
» هاضا مكان لقانا الشاعرعلى شحات
» كلامك سمح للشاعر على شحات