يا هوووه قولوا هايا .. صالح بو عياد الشهيبي

يا
هوووه قولوا هايا .. سايق هبيل ، وفيّ طايل غاية
أعزاز ياسهم

للياس
قولوا ايسده .. راه فيّ داير بصر ، ربي يهده
لواهن
نصيب اقسمن ، جن في يده .. ونا ما القيت لنارهم طفّاية
وهو
دونها واقفلها من جده .. ونا الكبد مطروحة علي شوّاية
ودارني
جمل ويقول عطك غده .. ونا طعتله من غيبة الطرّاية
وثقلة
احمول وسوق طول المدة .. وداربي عطش صادف شعيل لوايا
ويا
دوب نشحت في النفس ونرده .. ونا انقول عطّاش وهو يقول روايا
وحموله
عليّ أثقال ماني ضده .. وعليك ظلم ، ما تحت الحبال وقايه

قولوا
خلاص لياسهم يهلبنا .. يعتقنا لوجه الله ويسيبنا
هم
قوصروا واحنا خلاص اتعبنا .. والدنيا نصيب وكل حد له رايا
وداخل
خبير ولطنا وذهبنا .. ورحنا مع رق البساط هتايا
رمينا
عــ اللي ما عرف واجبنا .. واحنا قبل مرمّى ما انجوا رمّاية
وكان
الذرا والظل فيه حطبنا .. واليوم غوطنا باقي إلا حمراية
متوالجين
في حوسة عجاج جدبنا .. لا هناك صيّاحة ولا رغّاية
ولكن
اللي ما مابيا تعجبنا .. غيبة اللي ليتيمها غطّاية
خلوه
الشعير بقربته وبتبنه .. لا عون متنسم ولا ضرّاية
صغار
عمر لكن ياسهم شيبنا .. والفاهق اللي ما جت عليه غماية
وخلو
الديار وحيل راي عربنا .. فينا يقولوا صايرات خطاية
لجواد
طرّفوا وأحنا الياس غصبنا .. مشّانا علي حر الرميس حفايا

قولوا
ياسهم ماله ومال اصدافي .. يقدر لوجه الله فيّ يعافي
ايسدن
أوقات امنوقحات اطرافي .. قلم جيت في يديهن وهن برّاية
وشوية
مطاميري وخلوة كافي .. والياس اللي سنين معاي واخذ بايه
وكلوني
اعزاز وناكرين اسلافي .. ولكن الدنيا سميت رضّاية
تمسى
معاي وتصبح لناس اخلافي .. وديما قوافلها بهم سرايا
واتعلق
اللي عاقب وكان ارفافي .. ويبقى (علم) واتديرله قطّاية
ويبقى
إلا كرزة ومير صفافي .. واتديرله قصور مزخرفة وضوايا
ويلبس
برانيس الحرير الصافي .. واتديرله أملاك امسجلة وزوايا
واتديرله
عليهن ضان وأم شعافي .. واتجيبله العقال واتجيبله الحوايا
وبدري
ايزاحي في رديم السافي .. خلا الوطا تبرق تقول امرايه
امزانه
اثقال وعالوطاه مكافي .. ثلاثين يوم وما عطن دفوايه
ارجاع
يتّبع فيهن أشتاهن دافي .. أسبوع تمطره وأسبوع جا شمساية
وايام
الفسوخ ايجي رعد قفقافي .. وعقرب لها في مزنها تصباية
واختام
المطر مارس الكيل الوافي .. يموت الشهر ورعودها دوّايا
يبقى
ربيع دنداني وعام عوافي .. اللي مرضى كانوا شافيين برايا
وقمح
وشعير وقطع فيه إضافي .. المية بعده عشرتين اوفايه
علي
قول قايل ، قال لي خرافي .. تمن الكوف الفاضيات ملايا
هذا
وجهها والوجه لاخر خافي .. الدنيا دبيبة عندها تطواية
عليك
تنقلب لك وانت دوبك غافي .. لا بزرع تصبح لا أبل لا أبشلايا
لا
قصور كانن بنيهن زخرافي .. وتدير الخبر كله حكر تغفاية
واتذله
اتحطه بين روس مشافي .. بعد فرسنة يبقى خفيف روّايا
ويجيه
ياس كي (ياسي) (وياس أولافي) .. ايزّر فالنهار الذيب عالتعواية

الشاعر .. صالح بو عياد الشهيبي

شكرا لك

تسلم تسلم البدو وصح لسان شاعرنا الشهيبي

شكرا على النقل للشاعر صالح بو عياد الشهيبي

تســـلم يدك وصح لسان الشاعر

» ياهووه قولوا هايا ...
» قولولها..للشاعر صالح بوعياد الشهيبي
» من روائع الشاعر صالح بوعياد الشهيبي
» يا دار للشاعر ابو عياد
» الشاعر بوعياد الشهيبي(انلومك أوقات وأوقات فيهن نعذرك)