منقول\ جدتي تقول

السلام عليكم

كلام ايقولوا فيه الجدات ومعتقدات قديمه يؤمنو بيها
جدتي كان لها الكثير من المعتقدات و ديما اتقولنا فيها زي :

البنت ماتنضربش بالمغرف لانها تبور ( يعني ماتتزوجش )

و الحوش ما ينضمش في الليل لانه ايجيب الفقر

و المراة لازم تغسل المغرف بعد ماتعصد علي طول و الا جيابه ( للبيبي ) اكون صعب

و ماتقرصوش القطوسه اتجيب الهم

و تقعمزوش علي العتبه يتخطاكم بإسم الله العظيم ( الجنون يعني )

و الخياطه في الليل اتقلل الرزق
********
لو عندكم بعض العبارات القديمه للجدات
نتشاركو بيها

والله حلوات واول مرة نسمع بيهن

ويا خسارة انا ما وعيتش على ايام جداتي ماتن قبل ما انجي انا .. يعني .. ما نعرف شي بس ياريت اللي عنده يتحفنا
شكرا على الطرح

موضوع حلو والله

اني جدتي كانت تقولي ما تخليش المقص مفتوح
مش كويس يجيب المشاكل .

وفي العيد الكبير يوم الوقوف بعرفة ما تصبيش الميه في الحوش
علي خاطر الحجاج ايطيحو.
شكرا سامر

تسلم سامر علي الموضوع المميز

نعرف انه الشنطة ما تنحطش علي الارض

لأنه تجيب الفقر البعيدة عليكم

ولي عودة لو عرفت حاجة جديدة

تسلم السامر على الموضوع الشيق

وتقول جدتي ما تقرصوش الولد يطلع قليل همة

والعيل ما يوروش المراية يطلع نساي

ولي عودة ان شاء الله


بارك الله فيك احسنت تقبل مروري شكرررررررررا تحياتي [ندعوك للتسجيل في المنتدى أو التعريف بنفسك لمعاينة هذه الصورة]

» منقول
» هل كلمة منقول تدل على ضعف الموضوع وصاحبه؟؟
» منقول صور لصخور على اشكال حيوانات سبحانك اللهم
» سباق لأقوى الشعراء .............؟؟؟؟هيا خشو بقوة!!!منقول بعد التعديل
» لا تقول