[ندعوك للتسجيل في المنتدى أو التعريف بنفسك لمعاينة هذه الصورة] رنة الهاتف وسَمعتي للصوت .. ردت لي النفس وأنا طريح الموت

الهاتف رن .. السماعة خذيت في يديّ وقتله من

صوته الحنون لنظار مانسين .. اللي غلاه كان ألهن الماء والقوت

ومازلت للماضي البعيد انحن .. والعمر في سنينه أيام تفوت

أنظاري رجن واااااجد وما ملّن .. وكل شي بختام الرجا مثبوت

في الخاطر جروحه معاي مابرين .. أمخليني جنازة ناقصة تابوت

سمعت رنينه .. مستعجل رفعته وقلت من يبينا

قالت : ألو ، حايت جروح دفينة .. نزيفهن بدا هابا عليك بخوت

عليه خطّرت ماضي وزاد حنينه .. قيسه لعقلي في الكدر مبخوت

غالي وغلاه ما نهار نسينا .. يوم فقده شابه نهار الموت

خذينا عليه وهو اعتاد علينا .. نا وياسه باقيين كيف الخوت

ما نطمعوا بالحيل فيه يجينا .. مغير في الهواتف نسمعوه الصوت

رنة الهاتف وسمعتي للصوت .. ردت لي النفس وانا طريح الموت

الشاعر:: فرج العشيبي