انتي خاينه معاد عندك عدر نساك خاطري عودت فيه الصبر

انتي خاينه معاد عندك عدر

نساك خاطري عودت فيه الصبر


مـــــــعا د عندك حــــيله

ولا عاد عندك شي بترديله

ما تقنعيني مهناك وسيله


الشيش ما يلتم بعد الكسر

واللي انهدم ما تقدري تعديله

لو كان تشقي بيه طول العمر

نساك خاطري عدك زمان قتيله


او بيديه حطك في اغمار القبر

-------- انسيته خلاص سريبك

نساك خاطري معاد بي شا كي بك

لو كان يرقى للسماء تنحيبك

معاد ينضر فيك حتى النضر

يا ما تنوح شوق في تعديبك

ايام كنت كاميهن ادموع او عبر


او يا خاينه اليوم تاخديه نصيبك

على ما قضيته امعاك او عدى هدر

--------- بي الله شن اللي جابك

نساك خاطري معاد يفتح بابك

يا ما نصحتك ترجعي لصوابك

اللعب بي العواطف يا افلانه خطر

الا عارفه غيري اهني بي اعجابك

انسيتي الغلا معاد عندك فكر

واليوم راجعه بعد ما قفلت اكتابك

فهمته قريته سطر بعد السطر


زعم تايبه ولا اخداع توابك

انا عارفه الا الوقت جابك جبر

------ انسي انسيته صوبك

انا اتعبت ما نقدر انكف اعيوبك

يا ما خدعتيني ابرمش اهدوبك

او يا ما اشبحتي فيه شبحت غدر

او قديش كاين بي الخداع اسلوبك

حقيره او عندك في الخد يعه سبر



لكن اليوم افطنت لابس توبك

او بينسقيك كاسك قديش طعمه قدر

ونا نوعدك طول الحياه مشروبك

على قد ما كتبتي على الورق بي الحبر

او على قد ما كاين اخداع اسلو بك

او على قد ما كاميت نا من عبر

ابطعم المراره لين ترمي توبك


والناس تشبح فيك شبحة دعر

واللي التاعو بيك ما يشقوبك

بين هلك تبقى فات بيك الكبر

------- ما تقنعاش ادموعك

نساك خاطري قفل على موضوعك

انا في حياتي ما اشبحته نوعك

* ما هوا سر عملك كل شي بي الجهر
ونا كنت متوقع ايكون ارجوعك

* كما الليل دامس ايكون بعده فجر

لكن الخاطر دارسه موضوعك

* او مخصص دواء ضدك اسماه القهر


يسقيك منه ينحصر في اضلوعك

* اتحسي ابناره حارقه في الصدر

اتنوحي احداي اوما انجي في طوعك


عرفت الخديعه واهتديت الامر

انتي خاينه معاد عندك عدر*** نساك خاطري عودت فيه الصبر