قصيده للشاعر ارويعي الفاخري

البدو

جميله ورائعه يا غالى

اسلمت يا بدو اسلمت انت والشاعر الكبير واللي غني عن التعريف
تقبل تحياتي لك اخي البدو ......... خوك علي جيرة

كلمات جميلة واكثر من رائعة احسنت الاختيار

من معلقات ارويعي موسى الفاخري
وفيها فكرة قويه لانه كان يبي ايقول :

نرجا فيه موعد نا وغالي وقبل الوقت ما يحين بدقيقه
ناهي لامر وامبيت مقالي غيضي سيل حيد من طريقه
قلت اسانقوله ياتغالي كي ماهي اتغالي هالخليقه
يامن تو تقطعهن احبالي ماعد فيك تلزمني عليقه
وقلت اسا انقوله باالتعالي ذاهب راك في خاطي التيقه
مامن زول ريته في ضلالي منك خير عقل وخير ليقه
وقلت اسا انقوله ضيق بالي راه اليوم كي عين العقيقه
وانضف قبل ما اتجاوب اسوالي يا اللي عمر ما قلت الحقيقه

ولما بانت عليه جايه تغير الكلام في لحظة :

اشربني سهو وارتجفن اوصالي وقتن تاق يشاكع بريقه
شال العين قتله ياغزالي طالق راك في جوفي حريقه
ياسراق عقلي شوف حالي بلكي اتوب واترد السريقه
دنقر شان قتله ما ايوالي وجهك فيه خباره غميقه
عد علي واقلب في اشوالي واحرث في ياغالي شقيقة
ضحكت سنه قتله يادلالي فك الله عنك كل ضيقه
يوم سعيد وانضر من دعالي دعوة خير جتني اليوم سيقه

يا مرسال قوله ويش صار .. روح و جيب م الغالي أخبار
قوله كي الحال .. ياك أمغير طيّب يا غزال
علينا قيس يغلق هالهلال .. و أحنا فوق من كانون نار
قوله رحت وين .. غبت ايام كيفنهن سنين
البدو تسلم ايديك ,,كلك دوق اختار رائع لشاعر مبدع,,
لا حرمنا من تواجدك,,

ارويعي ايقول

مانك غريب اصداف ............ اندزك انكان اتطول في لولاف ...... تعال ياقمر

مانك غريب ازياره وعندك طريق لكل حد في دارا
وماهناك وطن ولا اتجيب قراره علي كل وادي فالخلا جواف
وشاهد علي حال الدهر واخبارا وفيه ماجرا من ظلم واستنصاف
وطيحت سلاطينه وهد عمارا وافيه قامن من دول واحلاف
وهلالك اللي للحرب فيه ايشار كمن وطن هالب عسكرا زحاف


مانك غريب علينا ليل ونهار وكل وان اتجينا
نبوك تنشغل منا ومن غالينا اللي كيفنا هالوقت لك شاراف
لك من رقود العون رافع عينه وفيها رجا وادموع واستعطاف
زعم وايش قايل من حجايج فينا مرات ياقمر والا اخفاف اضراف
ياخوف خوفنا يبقنا اضنونا شينا فينا وعنده تنسود لملاف
امجربينها ديما اللي ايدانينا عدلتنا امعاه ايديرها نعكاف
الا عزيز يعرفها طريق الزينا عهديبه ولو دوني ولو قطاف

الشاعر الرويعي الفاخري
** ضمة قشة **
** ريح الدار **


ريح الدار جابنها انســــام … هاج الشوق في القلب الجريح
رقص في الجوف من حر الهيام …رقصة طير بالشفرة ذبيح
ما ادري كيف ساقني احلام … و امتى جيت هانا بالصحيــح
نا للـدار جابني اقـــــــــــدام . .. و الاّ شيـل شـالتني الريـــح
بها صبيت رديت الســــــلام . .. و شلت عيون ماقيهن شحيح
بين اطلال كي خـط الاقـلام … الممحي دوب ما يلمح لميــح
رد الصمت كي صمت الاصنام … فـي الاحزان للحاير يبيـــــح
تجرح فيه فردية حمـــــــــام . .. تنوح انواح تمدحبه مديـــــح
صفير الريح في افواه العدام … و بين الحيط هيّالي فحيـــح
سماها فيه طير الليل حـــام … قبل الشمس لمغرب تميـح
بلكي عيب يا دار و حــــــرام … تلاقي فيّ بالوجه القبيـــــح
رامي جيت من ضيق العلام .. . براحك ضاق عهدي به فسيح
و همتي قيّ ما عندي ملام .. . انكان صحيح تبقى الا صحيح
منك شلت من عشرين عام . .. و نا بغناي في اركانك صديح
و دم الوجه تايق م المسـام .. . نين يريد ينضحبه نضيــــــــح
سواده كيف غربان الظــــلام . .. شعر يا دوب خدي مستبيـح
انكان رقدت نضحك في المنام . ..و كان أوعيت مبسوط و شريح
دليف ارعدك في وذني انغام . .. و ليل شتاك في عيني فريح
عجاجك طيب يبري م الاسقام ..و دردي ماك في ريقي ذريح
و جيت اليوم من مر الايــــــام … كيفك زاد نا وجهي كليـــــح
و شيب الراس تاقن له عـــلام … فجر اغر في ظلمة يزيــــح
حسايف كل ما يخيب المرام … بكفي شاب من كثر المسيح
ما من حلم لطنّه اقســــــام .. . و ما من وجه فارقته مليــــح
صروف الدهر فلّن ف العـزام .. . بادن كيف ما يبيد الصفيــــــح
ياريت الدار تقدر ع الكــــــلام . .. عليّ ترد بالقول الفصيـــــــح