زواج الليبية من اجنبى

بسم الله الرحمان الرحيم السلام عليكم ورحمة الله وبركاته قيه موضوع حاب نتناقش فيه وكل واحد يقول رئيه الا وهو زواج الليبيات من الاجانب يعنى غير ليبى الحقيقة سمعت قصص وشاهدت قصص بخصوص هدا الموضوع وجميعها محزنة طبعا خاصة على البنت الليبية الى بدت تميل للزوج الغير ليبى لا اتحدت عن كل البنات الليبية طبعا اولا اريد ان ناخد رئيكم او نتناقش فى ماهيا الاسباب التى جعلت البنت اليبية تتزوج من غير الليبى تانيا هل انت مع او ضد هدا الزواج بالنسبة لى انا ضد طبعا مائة فى المائة انا لا اتكلم من الناحية الددينية طبعا و يا ريت نسمع اراء باقى الاعضاء

باهي انت قلت انت رافض مية من مية ممكن توضحلنا ليش رافض الفكرة ؟؟ ممكن تقنعنا ..
بنضري انا عادي ممكن لأني مش امجربة بس عندي صحبتي اتحب شخص مصري الجنسية وباته مش موافق عليه لأن مصري ..
بس انا شايفة انه عادي ..
وسبب زواج البنات الليبيات من مصري ..
لأن الليبي اصبح يتزوج من الاجنبيات او من بنات القوة العاملة .. بس نحن راحت علينا بنات المدارس ..
انا انراجي في ردك على الموضوع انت ..

وليا عودة

شونا شكرا على جميع ردودك بس بنسئلك سؤال هل والد صاحبتك ميعرفش مصلحة بنته وين او ميحبش لبنته السعادة اجيبى على سؤالى ولى عودة

شكرا على الطرح واني لا ارا اي سبب يقف ضد هذا الزواج الا من ناحية البعد او الغربه اكثر الناس يقولو اذا اخذها اجنبي سوف تنقطع عن العائله وهذا السبب الرئيسي لدى جميع الليبيين ويدخل احيانا حتى داخل ليبيا وبنسبه للقوه العامله هذه اسواء مامر به الليبيين اى بقي من الضروري :D

الغيور كتب:: شونا شكرا على جميع ردودك بس بنسئلك سؤال هل والد صاحبتك ميعرفش مصلحة بنته وين او ميحبش لبنته السعادة اجيبى على سؤالى ولى عودة

..بما اني انا اول من سأل المفروض انك تجيب عن سؤالي ولكن ايها الغيور من الواضح انك غيور على بنات بلدك لا غير ..
صديقي سأجيبك انا ..عما قلت نعم والد صديقتي لم يرفض الا وهو يفكر بمصلحة بنته ممكن انه يفكر بنفس الاسباب التي تفكر بها انت ولكن هناك من الاباء الذين يفضلون الدين وعند من ترتاح البنت اكثر وحتى ان كان مصري فلا يهم .. وليس كل المصريين لا يتزوجون من الليبيات من اجل الجنسية الليبية او الاقامة .. او ما شابه .. مثلما قلت انت كالأموال مثلا ..
لا مثلما نقول نحن هنا بليبيا ( كلها مضروبة بعصاه وحدة ) ..
صديقي مثلما قال صديقنا بو بندقية ممكن رفض الاهل من اجل البعد فقط .. هذه حجة مقنعه ولكن مثلما قلت انت انا لست معك ..
واما بالنسبة لصديقي بوبندقيه عندك حق من اسوأ ما طرأ على الليبين قصة القوة العاملة ولو تحب نتناقش اكثر في الموضوع ممكن ان تستقل بالموضوع بموضوع جديد لنتناقش به .. لأنه يثير غضبي كثيراً مع اني لازلت طالبة ..
صديقي الغيور .. اعجبتني غيرتك على بنات بلدك ولولا هذا لما انزلت الموضوع ..
واختلاف الاراء اساس النقاش .. ..

انا مش ضد الزواج من جنسيه اجنبيه ولكن بشروط الا وهي ان لا يكون هذا الزواج مبني على مصلحه وهي الحصول على الاقامه او الجنسيه ويجب معرفه الشخص جيدا اي بالسؤال عنه في بلده وعن اهله
والخلاف في الرأي لا يفسد للود قضية

منورة غزالة .. رأيك حلوووو انا عجبني [ندعوك للتسجيل في المنتدى أو التعريف بنفسك لمعاينة هذه الصورة]

انشوفو يعجب الغيور ام لا [ندعوك للتسجيل في المنتدى أو التعريف بنفسك لمعاينة هذه الصورة]

مشكور الغيور على الموضوع بجد هو مهم ومميز
بس انا مع الزواج من أجنبى رغم أن عداتنا والتقليد ضد هكى بس لما ايكون بموصفات كويسه زى ما قالت أختى غزاله ووشونا يقعد مفيش مشكله وألاهم يكون موجود الحب مع أحترامى لى الرجله اليبين بس الاقليه الى يفهمو فى الحب بجد وألاهم طبعا رضى الاهل بس صدقونى ربى مفرقش بين اى عبد وعبد يعنى شنو المشكله لو كان ليبى أو غير ليبى مدام كويس
مشكور مره أخرى الغيور

شكرا لكم جميعا على التفاعل بس مكنتش نتوقع الردود هدى اولا اختى شونا لو كان السبب انه الشاب الليبى بدا يتزوج من غير الليبية اعتقد ان سبب غير مقنع من وجهة نظرى لان نسبة الزواج الى تكلمتى عليه قليل جدا ممكن بنسبة قليلا جدا ناتى لبنات المدارس اعتقد ان سبعين فى المائة من الامهات كانو فى المدارس ولان لديهم عائلة ومتزوجين من ليبيين وهم فى قمة السعادة شونا انتى اصبتى ليش انى ضد زواج الليبية من الاجنبى اختى انا احكى لكى قصة واقعية بنت ليبية متعلمة ومثقفة بدرجة كبيرا جدا تزوجت من شخص عربى بعد سنة اعتقد او اكتر مادا تظنين حدث لهده المتقفة سلبها جميع ماتملك اموالها وبيتها والاكثر انه سلبها الثقافة والعلم الدى كانت تحمله وتركها وهرب الا تحزنين لمثل هدا هده واحدة من العشرات التى حدث لها مثل هدا

غزالة ليبيا شكرا لكى اختصرتى كلامى كثيرا زواج المصلحة هدا السبب مقتع مائة فى المائة الا تعتقدين او تعتقدون ان الكل فى الوقت الحاضر من غير الليبيين يريدون الزواج من ليبية لان لديه مصلة زى ماقالت اختى شونا الا وهيا الاقامة فى ليبيا ادا هدا الزواج مرفوض تانيا اى مصلحة للبنت الليبية ان تتزوج من اجنبى

نونى لا اتاكلم من الناحية الاسلامية او موقف الاسلام من هدا الموضوع بس بنسئلك هل المسلمين الان مثل مسلمين الى سبقونا لا اتكلم عن الاسلام اتاكلم عن المسلمين اعتقد وبنسبة كبيرة لا تقولين الدين صالح لكل زمان ومكان نعم بس اتكلم على المسلمين وليس الاسلام مرة اخرى وشكرا على تفاعلكم جميعا

اخى العزيز الغيور بعد السلام عليكم ورحمة الله وبركاتة
مع تقديرى لكم والى كل من شارك فى هذا الموضوع احب اعرفكم انة ليس كل من ارتبط بليبية لة مصلحة اقامة او ماشابة انا على فكرة بدوى من مصر وليس متزوج من ليبية او شئ ثانى ولاكن انا موافق على زواج الليبيات طالما انة زواج شرعى وهدفة الاستقرار ومبتى على الصدق وليس زواج مصلحة او اشياء اخرى وعلى فكرة كثير من سكان ليبيا ينتمون الى مصر وانهم من مواليد مصر ومصريين ومتزوجين من ليبيات ومستقرين وعايشين سعداء والحمدالله وكثير منهم لم يتزوج لزواج المصلحة وانا اعرف منهم كثير لانهم معهم جنسيات ولا يحتاجون الى الاقامة او غيرة وانما يحتاجون الى استقرار وهذة سنة الحياة

شكرا لك اخى الصقر على التفاعل بس انا مطرحت الموضوع هدا الا انه نسبة كبيرة من اللدين يريدون الزواج من ليبية المصلحة و هدا الواقع لان نسبة الزواج كترت بعد ما ليبيا نطمت امور العمالة الوافدة من خارج ليبيا سؤالى ليش كثر زواج الاجانب بعد ما ليبيا نظمت الدخول والخرزج لى ليبيا وشكرا على تفاعلك

كلامى للجميع لا ارضى لى اى ليبية من الشرق لى الغرب ان يكون لديها حتة واحد فى المية من نوع المشاكل هدى والى بيتاكد من كلامى هدا ياريت يدهب الى مجمع المحاكم وينظر بعينه مادا يحدث لى ليبيات من هدا الزواج ويا ريت فكرتى وصلت اقول الاختلاف فى الرائ لا يفسد للود قضية

..قبل ما انجاوبك على سؤالك
بالنسبة للقصة اللي حكيتها انت واحد من مليون قصة ومستحيل انا انقول كيف ما صار في فلانه ايصير فيه ممكن خطأه هيا ما سألتش عليه اكويس ..
بس ربي ميزنا بالعقل ..
ومادام هي مثقفة معنها وين كان عقلها ؟؟
انا ممكن نقع في نفس خطأها لو ربي كاتبلي بس انا انقول ان المفروض ان الواحد ايفكر اكويس قبل .. اي خطوة
وعمره ما كان زواج الحب يعرف مصري ولا سوداني ..
..........................................
وعجبني رد صديقنا السعادي واااااجد وانحب نشكره عليه .. .....................
اما لسؤالك وهو مغزى الموضوع .. ليش كثرة الظاهرة هذي زواج الليبيات من اجنبي لما تم ترحيل جميع الاجانب من ليبيا .. الا بعقود رسمية .. انقولك انا شخصياً لما ناخذ واحد مصري فرضاً يعني ضروري يكون معاه اوراق تثبت شخصيته واكيد حنعرف انه مرحل ولا لا ..
حتى من الشهادة الصحية اللي حتى العمالة المصرية مطلوبة منهم ..
وبأوراقه اولا وثاني شي نسأل عنه وبعدين انتوكل على الله ..
سؤال :
لو انت مصري ؟؟ وحبيت ليبية ,, وقالولك لا هذي سقع عليك ليبية وانت مصري ؟؟شن كنت اتدير .. تزوجها ولا اتقول ما فيش نصيب ؟؟

الحمد لله انى ليبى ولو جيت مصرى منفكرش الا فى بنت مصرية ولو فكرت بغيرها الا للمصلحة بس عجبنى رد ليك مدام هيا مثقفة وين عقلها شكرا لكى على هدا السؤال نعلمك انها تزوجت عن قصة حب طويلة

الغيور كتب:: الحمد لله انى ليبى ولو جيت مصرى منفكرش الا فى بنت مصرية ولو فكرت .بغيرها الا للمصلحة
.بجد انهنيك على وطنيتك ..
وانا مش معاك ولا 0% هنا نحن اختلفنا في نقطة
وانا نرجى في احد من الاعضاء يرد على كلماتك الاخيرة
هل من المعقول في حد يفكر بنفس التفكير ويقول لو انا مصري وحبيت ليبيه معناها اكيد للمصلحة .. وين ربي وين التسامح وين صدق النية وين ظن السوء .. وين هذا كله بجد النقاش استصعب معاي نترك الفرصة لغيري ممكن اكون انا على خطأ صديقي

.

اختى شونا تمنيت لو استمريتى فى النقاش بس للاسف هدا الحال الى اصبح الان وهو الطمع فى الزواج من ليبية وبارك الله فيك على كل ارائك الى نحترمها طبعا

صديقي انا معك ومستمرة في النقاش الى ان اقنعك او تقنعني ...

شونا اليوم رايت شى احزننى كثيرا امراة ليبية متزوجة من غير ليبى بعدا ان اخد مايريد تركها وسرقة منها مبلغ مالى كبير واخد كل شى تملك ونركها لاتدرى الى اين دهب طبعا واخد الاقامة عن طريق الزواج منها اختى شونا المراة الليبية لا تستحق كل هدا الكل يحترمكم لا تجعلو هدا الاحترام يتلاشى وتتغير نظرة العرب لكم يا ريت الجملة الاخيرة تكون واضحة واخيرا اكيد بتقولى مش كل اللدين يتزوجزن من ليبية لديهم اطماع مش حنرد لان مع الايام ستكتشفى دلك

........سبحان الله حتى انا نعرف حدة متزوجة من مصري مقيم هنا من قبل ما يعرفها ويتزوجها
والحمدلله احلى عيشة .. واحلى حياة ..
وربي يهنيهم ..
هذا رأيي
وكيف ما قلت ممكن الايام تبين ليا او لك الله اعلم

نا نعرف سودانى تزوج وحده ليبيه وكبيره فى العمر سمعتى اهل السودانى شن قالو قالو انتى خذيتى ولدنا على طمع
يعنى حتى السوادين تمو يتكربو على اليبيات وفى اجابنب اكويسن تزوجو بنات من ليبيا عشان ممكن حبوهن وكذالك عشان هم حبو الاقامه فى ليبيا على طول وحبو ناس ليبيا يعنى مش كل اجنبى طماع ولا كل اجنبى محترم

........شاهين [ندعوك للتسجيل في المنتدى أو التعريف بنفسك لمعاينة هذه الصورة]
ولد بلادي في صفي [ندعوك للتسجيل في المنتدى أو التعريف بنفسك لمعاينة هذه الصورة]

اكد بنت ابلادى

كلنا ليبيين وانحبو ليبيا وانغيرو عليها وخاصة بناتها شونا حنقولك كلمة بس لو تقدملك شخص يطلب ايدك ومش ليبى توافقى او لا