الصبر دواء

تحكي القصه عن شاب يبي يتزوج

وبعد ما لقا البنت اللى يبيها دغري مشى شور بوها يخطب فيها

وبعد ما حكى مع بوها في الموضوع
قاله ها شن رايك موافق أو لآ

فكان جواب بوها انه ايعاود عليه بعد اسبوع
لكن الشاب امشيط النار وقاله توا نبي رايك يا أ يا لآ
فرد عليه بوها وقاله جيب معاك ( صاحب العقل ) وتعال أخطب

شوي أستغرب الشاب من رد بوها ومشى زعلان مو عارف الخبر أيسما ....( دايخ ) ...

وهوا ماشي لقا عجوز كبيره عايشه في منطقه مهجوره بروحها شوي استغرب من عيشة العجوز

وهوا زي عادته أستعجل وسألها
خيرك يا عجوز عايشه بروحك ؟

شوي قالت العجوز انا مش بروحي

عندي شايب نادم !!!!

وبنت تغضب في ربها !!!!!

أو ولد أيسلط في روح علي روح !!!!!

شوي هنا الشاب داخ بكل وطلب من العجوز أتفسرله الكلام هذا

فردت العجوز وقالت ...

كلا من الشايب عنده قطعة أرض والسنة جت صابا أوهو مابش يحرث أوتوا قاعد حذاها ونادم .

وكلا من البنت كان عندها ولد أومات وكل يوم تمشي تبكي علي قبره كل صبح وفالمغرب اتعاود وهيا غاضبه ربها

أما الولد عنده طير حر ماشي يتصيد بيه ويسلط في روح علي روح

يعني شوفو العرب الاولى كانو عندهم اكثر من معنى للكلام

وبعد ما فهم الشاب قصة العجوز قال أكيد رح تعرف ( صاحب العقل )
أو حكالها قصته مع أب البنت وسألها عن معنى( صاحب العقل )
فردت العجوز وقالت للشاب صاحب العقل هو ( الصبر ) يعنى أصبر زي ما قالك بوها أو عاود عليه بعد أسبوع
هنا وين فهم الشاب معنى الكلام ....
أوقرر انه يصبر لمده أسبوع زي ما طلب والد البنت ...
وبعد أسبوع تمت الموافقه عليه وأتزوج البنت اللي يبيها ...

يعنى فعلا زي ما أيقولوا ( الصبر دواء ) ....



وانشاءالله تعجبكم ....

قصة مثيرة