كلمة الحق أن قلتها وجاعة

كلمة الحق أن قلتها وجاعة .. اتخلي رفيقك يتركك في ساعة

يتركك من جده .. ويبقى امعاه الفيض فايت حده

يبيك تجاهل عالخطا ماترده .. وتاخذ اسلوبه في حيلته واخداعه

يتركك ويهونك .. وان جاملك موش لسواد عيونك

تحلف عليه يبيع روحه دونك .. اوهو بايعك بالرخص للبياعة

يبيك تكذب كيفه .. ويبيك تبدع فالكلام وزيفه

وكلمة الحق يلقالها تعريفه .. ويسلك طريق الشر باقتناعه

اتصدقه بالنيه .. وتقول هذا عز صاحب ليا

وين تكشفه تلقاه لفعه حيه .. لدغتها خفيفة قاتله لياعة

للشاعر..علي العوكلي ..

لكي مني فائق الشكر والامتنان

على ذوقك الرقيق في انتقاء الكلمات العذبة ..

وايضاً على مجهود الرائع في المنتدى ..

لكي مني فائق الشكر والامتنان

على ذوقك الرقيق في انتقاء الكلمات العذبة ..

وايضاً على مجهود الرائع في المنتدى ..

صحيتي اختي زنبقه ربي ميحرمنا من مشاركاتك

بارك الله فيكم جميعا على تواجدكم معى
تقبلوا فائق تقديرى واحترامى

رائع ما اخترتى الزنبقة السوداء
لكـــــ كل الود

الناس دايرة لاصحاب وقت الطربة...وأناصاحبي نبية يوم الكربة..
يوم الضيقة.. يوم حوست الخاطروجفت ريقة
يوم صورة الصاحب تبان حقيقة..سواءصافية ولا اتجى منحرقة
أيجي صاحبي دارت عجاج طريقة فازع أنصارت فية سوقي خربة
وينسي زعل كان بينا وتطويقة
ويبرز أيكون معاي راس الحربة
مش كيف هلي ساعة الترويقة أصحابك وفي الضيقة هواءفي قرب

مشكورة اختي

الله يعطيك العافية على هذا الاختيار الرائع .. فما أحوجنا هذه الأيام لصديق يكون معنا في الضراء كما في السراء .. تحياتي واحترامي

أيام الدلال
معاي يا ما درت
واليوم فيا يا عزيز نكرت
***
يا ما صـــــــــــار
ويا ما حكينا لبعضــــــــــــــــنا الأسرار
عشرة اسنيين أطوال موش نــــــــــهار
بذلتها بفراق من عــــــــــــــــــــاشرت
عمرك معايا قبل مـــــــــــــــــــــا تحتار
واليوم مانعرفش كيف أختــــــــــــــرت
عاش الغلاء بيناتنا بأقــــــــــــــــــــدار
ومات الغلاء عندك وما خبــــــــــــرت
كميته اسرار وبحت بيه جـــــــــــــهار
أمنت وانت الحب بيه كفـــــــــــــــرت
يا ميـــــــــــــم عيني يا زهاء الانظار
مشتاقلك وانت على صــــــــــــــبرت
وما عاد جتني من قداك اخــــــــــــبار
وماكش بعيد الدار لا ســــــــــــــــافرت
عشقتك عزفتك لحـــــــــــــن عل لوتار
احساس بيك عكس الناس بيه شعرت
منينك معايا في اول المشــــــــــــــــوار
لا أخترت غيري لا ســـــــــواك اخترت
تحـــــــــــــــــــــديت بيك النار والتيار
عاندت لكن فـــــــــــــــي الكيار خسرت


يا مــــــــــــــــــــــا ريت
واليوم كدبة كان قلــــــــــــــــت نسيت
بيني وبينك قبل مــــــــــــــــــــا ضنيت
تقصر معايا ودرتها وقصـــــــــــــــرت
رضيت الخطاء فيا ومــــــــــــــا داريت
لا قلت بالك عيــــــــــــــــــب لا كابرت
بلا ذنب عل حبــــــــــــي العفيف جنيت
كيف طاوعك قلبك وكيــــــــــــف قدرت
يا ما معايا يا عـــــــــــــــــــزيز زهيت
ويا ما لعبنا وشوق مـــــــــــــا بصّرت
ويا ما علــــــــى حوشك مشيت وجيت
واليوم يا حبــــــــــــــــي علي حجرت
قداش ليعة ففرقت عـــــــــــــــــــديت
وقداش خطرة مخطرة خاطـــــــــــرت
عاندت بيك أعناد وتحــــــــــــــــــــديت
شديت بيك ومــــــــــــــــن ورايا درت
بلا شك بيا وين مـــــــــــــــــــا واطيت
في عيون هللي حاســــــــــــدين كبرت
فلول معايا فــــــــــــــي الطريق مشيت
وبعدين شن في خاطرك خطـــــــــــرت
أسفاه في عيونــــــــــــــي صغير بديت
وحامد الله وفيك ما فكـــــــــــــــــــرت
يا مـــــــــــــــــــــــــــا درت