قصيدة ليبية فكاهية انتى زينه

إنتي زينه وماقدك قد .. فرس تلهد.. فجرتها مايلحق حدَ
إنتي زينه ويازينك زين.. قعد بازين..عليه الخمسه ملتمين
إنتي زينه وزينك عالكل..هلالك هل..زي الشوكه وسط الفُل
إنتي زينه ومامنك جوز.. آه يالعزوز..مكانك في قلبي محجوز

***********************
إنتي زينة والنقش مليح.. وفيك نريح ..إنتي أحلي من عقرب ريح
إنتي زينة والجسم بقر.. الراس أكبر.. الجبهه عريضة اتقول صخر
إنتي زينة وعيونك حول.. ياشكل الغول.. في عيونك راني مقتول
إنتي زينة والودن كبيره.. تقول فطيره.. تتصنت بيها علجيره

************************

إنتي زينة أم خشوم كبار.. تقول مطار.. معبي طيارات كثار
إنتي زينة ام لسان طويل.. وطوله ميل.. قدك متفصل تفصيل
إنتي زينة والفم مغاره.. سنونك حاره.. نتمنئ انشوفك صدُاره
إنتي زينة والشعر مبروم.. ياوجه البوم.. شعرك أحرش. والقمل يعوم
***************************
إنتي زينة والصوت غراب.. ينعق عالباب.. وين يمشي يكون خراب
إنتي زينة وعندك شجاعه.. تقول جماعه.. وقت الجد هيَ الفزاعه
إنتي زينة غلبتي الولاد.. في هالبلاد.. سبقتي عنتر بن شداد
إنتي زينة تحطي البرفان.. من السودان.. تشمه تتفكر الأكفان

**********************

إنتي زينة واللبس فضيع.. الذوق رفيع.. لبسك لمرقع ترقيع
إنتي زينة ومحلي خطوتها.. وفي خفتها.. تهتز الارض بمشيتها
يازينه راني المجنون بيك يالحنون الي يحبك عمره مانخون
[ندعوك للتسجيل في المنتدى أو التعريف بنفسك لمعاينة هذه الصورة]

صديقتي احسنتي الاختيار ولكن
قصيدة ليبية فكاهية .. ومكانها التصميم والديكور لا اظن هذا صديقتي .. تخطي الحذر .. بهذه الامور .. عليك ان تنزلي الموضوع بقسم الخاص به كالاشعار او الشعر المجهول ..
ومشكورة على الطرح

شكراً

ينقل للقسم المناسب

بارك الله فيك
صح لسان الشاعر

يعطيك العافيه

. احسنتٍ

الله يبارك فيك

» ولا نصبر فى يوم بلاك *** ولا نقدر ننسى ماضيك اللى العالى مولاى عطاك *** انتى زينه وربى عطيك
» قصيدة فكاهية
» اطول قصيدة شعبية ليبية
» أنتي زينه
» قصيدة (( ليبيا الوادي )) هي اطول قصيدة من نظم شاعر واح