من الحيا ه مئيسا* احلام خاطري فيها الياس طمسا * اعروق المحنه

أحلام خاطري للمبدع / عمران القزون




مالحياة مئيسا = أحلام خاطري فيها الياس طمسا
=أعروق المحنة
=
أندور في ديمومة = تميت من رهادين الزمان وشومة
أمغير مارضيت أنكون دوني قومة = عصران نفسي عالردا حابسا
وان رومت نفسك للعفاف أترومة = وعند العرب عز الفرس فارسا
أصحى مسالكن فى الناس مي مفهومة = تحلف طلاسم من فقي طلمسا
لكن غريق الجال دوم أعلومة = مو كل من طالع أكتاب درسا

صحيح حقيقة = طول الجفا ينهي العقل أيعيقا
ومشارك مع ظلم الزمان وضيقة = تذكار صوب في قلبي أهموم غرسا
لي قبل لاقابل أمسفي ريقة = ننسا العرب ونوض من مجلسا
ويمرن أيام العمر كي الدقيقة = ما بين بسمتها وطيب نفسها
ماعاد مصباها أمعاي أنطيقة = قطور سم ينزل عالفواد أنحسة
وان كان قابلت ترقى أمعاي حريقة = أنغير طريقي خطوتي نعكسها
درست الحياة حللت كم طريقة = ألقيت سرها غايب علي دارسها
وبين المناهج غايبة الحقيقة = كثير مايغربنا لصيف دنسا
وسبحان من أمغير كل حي بليقة = جديدة عليه ولولة ينكسا
الخاطر أبقي شوم الحياة رفيقة = على ساحلا برم نصيب أورسى
=
أكثر تحسيبة = الخاطر وشايب قبل موعد شيبة
ولي قبل ماساعة زهاه أيسيبة = اليوم فرحتا ظلم الزمان علسا
ولبنادم مثيل العود له توكيبة = لخضورتا أيجن سكرات وتيبسا
ومريت بتجارب فالحياة رهيبة = وماحد أيحس النار كي عافسا
ولو نصيد مانبرم الهم في صيبة = كاره الناس وما نطيق ونسها
خليهم لفاعي في نهار الغيبة = دبيب سام لكن بالهدوم تكسا
وصاحب المصالح في ألباس أنطيبة = قليل الكرامة لك أيواطي حسا
بخدمت الكذب ورضوتا العطيبة = خدمها وطاعتلا بعد مارسها
أيديرك أهلالي لك أوصاف عجيبة = وجرت أكراعك عالوطا يلحسها
ويرضى علي شانك أيبيع رفيقة = نذيل المبادي عالوطا دايسا
شاقي مع وضعي وفي تنسيبة = موالف أطباع اعرابي اموانسا
والمكروه نكره سيرتا ونعيبة = ولي الرزق منهم بين ديه أيقصا
وخليك من علل مول العيون رغيبة= أمشارك مع ليام واخذ حصة
والعين من رهادين الزمان تعيبة = حايسة بلاه وزادها حوسها
لها زمان ما مجرى طرب تمشيبة = سفينة الزها عندي نكد ريسها

لانرتجي رافتها = ولاني أمراجي خير من جيهتها
الدنيا مطيرة علت في حرثتها = وجاد الولي بدري أشبوب كبسها
اومير الشتاء عادات له ثابتها = وكيف ما فعل فيها فعل مارسها
اوزود عالزراعة واخذا صابتعا = ولي يجيك في عينك أيكيدك دسا
والعين من قديم الوقت هي عادتها= علي ماتذري عونها عاكسها
ونقيتها من كل شي جررتا = وليالي أسمور قضيتهن حارسها
جنا أبداع الله في نضرتها = وهي تموج لاهادي نسوم ألمسة
وروس الحسك تحلف أمواج علتا= سوا في ضحا ولا أبواقي المسا
وين مانويت أنعول في لمتا = واتي لي يحصد ومن يدرسا
الياس أنزعج جاها علي طيبتها = حصد ما حرثت ومالوجود كنسا
ومنحوسا وماتبح لي أرفعتها = ومعاها العين وعينها منحسها
ومنتوجها حسايف بالبلاش خذتها = ونقل غير صبارا ألا متعسها

مع تحياتي ( فتي الصحراء)

الله الله الله
عليك وعلى الشاعر العريق عمران القزون

قصيدة قمة الجمال تستحق ان تكون معلقة ..

ومهما شكرتك على هذة الجوهرة لا اوافيك حقك

انها بالفعل من اجمل ما سمعت من قصائد ..

كلا من معرفتك وفهمك لشعر الشعبي تستحق ان تكون مشرف لهدا القاطع

مشكور علي القصيده الرائعه والله من اجمل القصائد التي استمعت اليها

مشكوره اختي سوسن علي المرور

شكرن اختي وديان كلك ذوق

انرتم جميعن صفحتي بردودكم الرائعه