ماعاد عليا اترني

ما عاد علي اترني .. ما عاد يسمحن عدة أظروف وسني .. معاك بالغلا

مدعا خليل وصوبه .. أشقيتبه زمان معا عرب شقيوبه
و حتى طريقة صوبك واسلوبه .. امتاعت الهواتف كنت فيها فني
لكن علي الاثنين عالن توبة .. قدام الكريم أن خنتها يلعني
أرجوك لا أتجريني علي لهلوبه .. بلذت كلام رقيق بالجقنني

و لانبيها .. بصيرة اتبوزع توبتي تربيها
وانكان صحبتي نرضيك لك نوريها .. سهاري علي الاطلق وممى ونني
لكن الباين عليك سفيها .. أمعاك ما إيساعدني عللل يرهني
بعيد دوري قصة عبير أقريها .. وشاهدي شريط أسماه غلا جنني

عدة أظروف وكبر .. واقع جبرني عل العقاله جبر
وعندي عواطف كان شاشن غبر .. إيديرن سريب جديد و يشقني
لكن بقوة عزم زين وصبر .. عليهن زكيت و هن اللي تبعني

تابع طريق عقاله .. ومتارك وتايب عل الغلا و أهواله
و حتى لو انريد انغوا ما من يال ياله .. اللي اتقول صاوبني انجي مدني
خذيت من خطا الاول ومن مواله .. دروس و تجارب في الحياة ورني
ماعاد انفذ راي باستعجاله.. حتى في الطريق اسواقتي بتاني

ولا عاد أنريد جحيمه .. أمتارك وتايب عل الغلا لا ديمه
لا نضرب البندير وان الهيمه .. ولا نطعن المجدوب لا يطعني
أسقاني عزومه نين درت عزيمة ..أمتبع طريقة ياس شيخ أقحني
وتارك الغلا من نكستي القديمة .. انسية منقضه مالبال غصبا عني
ولا عاد أنحايي من جديد رديمه .. انشخشب علي روحي وانا متهني
ولا انقولك نقدر امعاك انقيمه .. قدام العرب لا صوب بالسكتني

ما يسمحنش أظروفي .. أنقولك علل وامعاك به ما نوفي
تايب أملقي للكريم أكفوفي .. اللي في الحياة بقدرته كوني
أنفوتح أنريد انكون راهب صوفي .. أنكان من الوصول لغايتي مكني
لكن بها بكل عليها خوفي .. وراك توبتي تمشي بلا سترني

لا اتجي في يمي .. مفطوم عل الغلا خايف اساع انمي
انهون في سريبك ما عطاني دمي .. وحذاي دايرين ضناي بابازني
ابدورت سريب امعاي لا تهتمي .. علي غيبتي بالله نفسك عني
اخذي رقم هاتف صاحبي بن عمي .. أندلك عليه وما ايخيب ظني
رقمه أخذيه ولك أسماه انسمي .. علي الساعدي منك صحيح إيهني
ما عاد علي اترني .. ما يسمحن عدة أظروف وسني .. معاك بالغلا

لشاعر الكبير عبد السلام بوجلاوي

تحياتي (فتي الصحراء)

عدة أظروف وكبر .. واقع جبرني عل العقاله جبر
وعندي عواطف كان شاشن غبر .. إيديرن سريب جديد و يشقني
لكن بقوة عزم زين وصبر .. عليهن زكيت و هن اللي تبعني

رائع ما أخترت .. وصح السان الشاعر

تسلم ايدك على انتقاءك لك ما هو

جميل ورائع ..

مشكورين اخوتي

مشكور خوى على القصيدة
بارك الله فيك
فى انتظار المزيد منك

مشكور وبارك الله فيك على القصيدة الاكثر من رائعة اخي فتى الصراء
تقبل مروري

مشكورين اخوتي علي المرور

مشكور اخي فتي وفعلن قصيده رائعه

مشكوره اختي سوسن علي المرور

مشكور خوي قصيدة جميلة جدا اخوك شكشوك للشعر الشعبي

امنور شكشوك

مشكور عالنقل الجميل لشاعر بوجلاوي_ _ تحياتي وصف الهميل

مشكور وصف

مشكور خوي السهم الاول