من فرق زولك ياعزيز عليا --تحطمت ضاقت حالتي النفسية

زائر

من فرق زولك ياعزيز عليا................. تحطمت ضاقت حالتي النفسية
من الاعدادي ..................... وحبيتها انا وجوي عادي
ونشوف فيها بغيتي ومرادي................... وماحسبت هالروتين يطرا فيا
وفاتو ثلاتة سنين فى هالنادي.................. بلا حس وهذي اخلاقنا البدوية
على ماتحطم فى شعاب ووادي................... مابيت نوقف ضدها بالسية
وهذي عوايد ناسنا وبلادي ...................... عيب عندهم كلمة غلا والغية
والحكم سيئة فى هذي .........................واحاديث واضحة الرسول جلية
وانا فى نظرها منقعد شبيب هادي............... واخلاق عنده مايدير خطية
تحملت عام فى فرقها يا اكبادي................... وعيني عليها بالدموع سخيه
وفكرت قلت اندير حادي بادي..................... ونبعتلها وشن ترد عليا
وصاحب نشدته قال اقعد غادي.................. خلاص حد متزيدش قرام شويا
وخليك انته ماتبداش البادي...................... وتدخل اراضي ملغمة ممليا
وهدفي نصيحة بغيتي واقصادي................ وكل حد عنده فى الحياة نظريا
ومش سهم رمش عيونها فى فوادي........... تقول اسلحة مواد كيميائية
ودمار شامل ضربها بدادي .............. ودمر فى قلبي بنيته التحتية
وانا نبي نجاهد مانفعش جهادي .................المقرون مايفلق مع الدرية
وهي قالت راهو صعيب عنادي.................. كمندوس عندي ماهناكش زيه
وانا نبي نجاهد مانفعش جهادي................... المقرون مايفلق مع الدرية
معايا بدت فى يقظتي وارقادي...................... ووقت العلاقة بينا ملغيا
ولا تضمنا تو لا مدرسة لا نادي ................ولا هناك حاجة بينا رسمية
طلعنا كل واحد مشا فى وادي.................... هي غربة وانا فى الشرقية
والعشق فى هالشعر طرف احادي ..............انا بس مش عارف عليها هيا

قال ماننكرها ................ فرقت زويلك نار فى سامرها
علي والعة لو كان مانحكرها..................... ونار فرقتك ما ضنها مطفية
نعود النفس ننسد ونصبرها...................... على بعدها بنت الاجواد عليا
مرات نفقد زولها نخسرها......................... مادام الحياة مازال تمشي بيا
وماحد قسمت ربينا يقدرها....................... وهذا سببها حالتي النفسية
اليوم حياة نسلم لها نعذرها....................... لا بيدها اليمين ولا بيديا
فاتت ايام فى قربها مقصرها.................... وفى بعدها تمشي الايام بطية
مرات هالكلمات وين نذكرها..................... نتعدل وتبدا حالتي عادية
والنفس فى الاخير زاد كدرها................... معاش صابرة ضضاقت الدنيا بيا
سبحان من خالق جمال شعرها.................. نازل على الاكتاف ليا ليا
وسحر الطبيعة ببرها وبحرها.................... مايجوش حاجة فيك ياغالية
واجمع عشبها ووردها وشجرها ..............وثمار فيها الطايبة والنية
وزيد شمسها ونجومها وقمرها............... محال تلقي الاثنين سويا
وشن تبي تولى العين بعد نظرها............... جمال شكلها تنساه بالكلية
وفى االاخير قلت مندير ونصورها............ وابن عمها نغريه بالمالية
وبعدين نجيبها يا اخوان منكبرها ............ومنديرها فى برواز مافيه زيه
شوي جابها فى الاخير يامصغرها........... الامتار بيني وبينها بالميه
تقول فلس ليمه بعد ماتعصرها............. ولا فليس فى جدر كاكاوية
وريت فى ظلام الليل نبي ننحرها ......... بلا شيء لا حاجة تريح ذضحية
وبارودتي منجي ونعمرها ومنبخها......... بطلقذات طليانية
ومندير جمع نياق ونبعثرها................ وتشرتعي فى القض ياعوفيا
ويالله ترحم سيتي تغفرها ....................وماعاد عندي فى الحديث بقي

قال ماننكرها ................ فرقت زويلك نار فى سامرها
علي والعة لو كان مانحكرها..................... ونار فرقتك ما ضنها مطفية
نعود النفس ننسد ونصبرها...................... على بعدها بنت الاجواد عليا

رائع ما اخترت
تقبل مرورى...

زائر

شكرا على طلتك عشق اسعدني تواجدك .وشكرا على بيت القصيد تحية لك

» ياعزيز اقهرهــا
» ماكيف زولك حد(ملكيتي)
» الفوائد النفسية في الصيام .
» الضرب على المؤخرة يزيد المشاكل النفسية...
» شد الرساله ياعزيز أقراها .....