من التراث (غناء الجباده)

غناء الجباده
والجباده هي استخراج الماء للري في بعض المناطق الجنوبيه في ليبيا
وهي من اقسى الحرف بالنسبه للفلاحين .
فكانو الفلاحون يخففون على انفسهم بالغناء الذي يبث فيهم الصبر والعزيمه والثقه باالنفس. ولعل اهم اغنيه تغنى بها الجباده هي الصبر فلقد كان الصبر ابرز صفه يتحلون بها

الصبر هو طب لوجاع ............وبالصمت تقهرلعادي
وكثر الطمع والبكاء ..............بهن يكرهوك العبادي
والصبر ديره عوينك..............دير المليحه وداري
واللي انكتب في جبينك...............ماعاد يمحيه قاري
والصبر عند العرب مر................وعند العوارف شجاعه
اشريه يا صاحب العقل................ان كان ريت مهبول باعه
اوقات في الصبر عله..................واوقات فيه الفوايد
واوقات حملك ثقيل....................واثقل فوقه بزايد
واللي ما سفر ما خبر لرض..................ولا وردك عا المناهل
واللي ما قراء ما عرف فرض................حتى ان تاب مازال جاهل
وهن صوره اخرى نراء الجباد يتغنى بشقاه ويغبط الكسالى والاغنياء في راحتهم
فهو المنتج وهم الراقدون وبدون تدبير
نوم الضحى ونوم لفجار...................ما يرقده غير باير
اماهنيآ ومطمان .....................والا عديم الدباير
لا همتي ولا عليا ...................ولات راحلي ولا غدالي
مبسوط وايدي مليه....................ونا صحيحتي راس مالي
واحيانآ نراه مشدوهآ من صدمته في صديقه
اني صاحبي اللي نعزه ....................لفت من قداه الوجيعه
زعم كيف دبرتلي فيه .....................نشريه ولا نبيعه
ان كان في العمر مره......................في سيته ما نعاديه
وان كان عاثر عا لدوم......................ماله دواء الا القطيعه

وانشاء الله ماتفقدو صاحب

مشكور الاسد على الطرح الحلو
وعلى الكلمات والعبارات الرائعه والمميزة..
وعاشت الايادي
دمت متالق مبدع

دمت في حفظ الرحمــــــــــن

رزق

الشكر لله اخى الفاضل

ونسعى دائما لرقى قسم الثرات اليبي

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

شونا

الشكر لله اختى الكريمة

تشرفت بمرورك

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بنت الاجواد

الشكر لله اختى الكريمة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وفيك بارك الله
اخى الكريم

البدو

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

سويسا

الله يسلمك اختى الكريمة

بارك الله فيكى

[ندعوك للتسجيل في المنتدى أو التعريف بنفسك لمعاينة هذه الصورة]

» غناء المرسكاوي فن وتراث ليبي
» ألعاب من التراث
» بعض الاداوت من التراث بالصور
» التراث الليبي ..........
» خرافه من التراث