غالي عليا الليل

السلام عليكم شن اخباركم اليوم
بنقوللكم قصيده انشاء الله تعجبكم

اتقول القصيده:

غالي عليا الليل .... ايدس شي واجد من ادموع اتسيل ......... اوقات البكا

غالي عليا اضهورا ................. النهار يجلا من المغارب نورا
ويصحن مواجع فجواجي خطورا .... بعد ما يقلب و لظلام ايميــل
كيف هو كيف سيرتي المخطورا .... كيف المواجع كيف هد الحيل
كيف الدمعي هللي فغيبتا مهدورا .... عالخدود جرن دايرات سبيل
كالجرح هـللي فكبدتي الممخورا .... لا طـب نافع فــي لا تحليـل
وكيف العقل منا حايسات امورا .... فسبايب هللي فايزا ع الجيــل
راد من العــــــين تفزعا بشورا .... طلع مسداها مخبلا تخــــــبيل
تريد اتمقل فللي جميل الصورا .... ليل ترتوي والسريب ايطيـــل
وفيها مزايا بين العرب اندورا .... ما يوصفا لا نثر لا في هيــــل
كيف الكحل فالـعين جاير جورا .... وكيف هوالسالف بسواد كحيل
عليها مزنكل فايحات عطورا .... تحلف عليها مكملا تكميــــــــل
وكي لحجاب نولع علي بخورا .... وعليه لشيوخ يرتلوا ترتيــــل

:::::::::::::::::::::::::::::::::::::::::::::::::: ::::::::::::::::::::::

اوقات نا نسمربا .................... ووقات نشكي من الليل وقربا
ووقات نبكي كي ساكنين الغربا .... ووقات نسمر من بكاي عليل
ووقات يقلب من زهاي نذكربا ....ايحوسن خواطر والدموع تهيل
ووقات نكمي في سطير وكربا .... ووقات نحبسها تغلبه وتسيـــل
اتقول منطعن في كنيني بحربا .... ما لقيت كيفك في شكاي حميــل

:::::::::::::::::::::::::::::::::::::::::::::::::: :::::::::::::::::::::

ايخبي فيها ........................ الدمعه هللي اطيح من ما قيها
تجبد اهموم الكبد في طاريها .... نقعد بروحي من اوجــاع دليل
خواطر قديما الطب مايبريها .... فسباه داير بالدمـــــــوع سبيـل
ونجوم اتباقص فالسما تمليها .... خطرن اخدودا بوغـتيت طويل
وسالف عليه طاح ومعطيها .... عالظهر يتلاعب بالنسوم ايميل
فـظلاما الوجه هو مضويها .... كالبدر ناصـــــع في سماه جميل

:::::::::::::::::::::::::::::::::::::::::::::::::: :::::::::::::::::::

غاليا عليا عيونا ..................... شالهن منايا ومحوجرا فجفونا
كبار يرزن وخزرتا مضمونا ..... تقول عين سارح عالبساط هميل
وصفوف ترتب هدبها المزيونا .... تخزر قليبي وان بنضرها تشيل
والبرق شاكع ضي في جـبنونا .... والخد يبـــــــرق في ضواه متيل
منها باين تحت من مـــــدهونا .... تـــــــــــقول غيم تلاقا لحقا بسيل
مزنكل عليها طاح ع الظبونا .... مـــــــهايل سبيبا بلا حكار طويل
ووصاف جميلا وصفها المزيونا .... قلن سواياها ولا حملوها كليل
بوناب مجلي ومصرصرات سنونا .... عاج ابيض في زهاه جميل
وقزاع مغطي جبين هالمزيونا .... ومــــــيامي سودا مكحلا تكحيل

اسلمتوا
ééééééééééééééééééééééééééééééééééé

[ندعوك للتسجيل في المنتدى أو التعريف بنفسك لمعاينة هذه الصورة]

سندريلا
الله يسلمك اختى الكريمة
كلك ذوق
[ندعوك للتسجيل في المنتدى أو التعريف بنفسك لمعاينة هذه الصورة]

منور الاسد على ما قدمت

شونا

النور نورك اختى الكريمة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» يا الهي توب عليا
» مشكور يا غالي
» الغالي غالي
» ماعاد عليا اترني
» من فرق زولك ياعزيز عليا --تحطمت ضاقت حالتي النفسية