.•:¨`:• ][ أقوال شاعر ;][.•:¨`:• حسن المقرحى

الشاعر حسن المقرحى

شاعر شعبى من الجنوب الليبي وبتحديد من مدينة سبها من حى عبد الكافى

كان الشاعر وفي أثناء مشاهدته لاحد مباريات كأس العالم 1990
وكان طرفها منتخب البرازيل ضد منتخب الأرجنتين .
مخرج المباراة أتى بفتاة برازيلية حسناء تبكي حسرة على خسارة منتخب بلادها
فتأثر الشاعر لمشاهدته لذلك المشهد و قال :

كرهت الكوره..... وكرهت من بكى جميل الصوره في كاس للعالم
كرهتا كاسا.......... وكرهت من كان السبب في ياسا
وكرهت من خلا الدموع حواسا.... على خدها سالت وهي مقهوره
ونا سال دمعي في دواعي واسا ...... رقيق عزم فيها بكوتي معذوره
اللي خدها يضوي متيل الماسه.... في الشوط الاول فرحتا مغموره
رقيقة مشاعر ناعمه حساسه......... مرهون فرحك بشباك اسروره
عزيزى الهدف يجيها بكل سياسه.......... ونقار حارسها قديم اشهوره
وانتي جميله رفقتك وناسه............ مانكش كيف امناي هالمغروره
نصيحه ان تنسي تعكسي عالطاسه.......... في بار ليلي مايطفي نوره

فردت عليه الفتاة و قالت :

ماهى اخساره......... دمعي عللي يلعبو بجداره
لكن خسارة الكاس هي لخساره.......... نبكي عليه ودمعتي مجبوره
وماتلومني في بكاي ماهي صغارة....علي ناس نا بيهم صحيح فخوره
العلم البرازيلي داع اخباره.............. اسياد الرياضه فن لعب الكوره
وكيف دمعتك سيل كحيل انظاره........ نا دمعتي سالت احكام ضروره

فيرد عليها الشاعر ويقول:
يلي نظيف بشرها.......... ويلي سماح عيونها وشعرها
وخدودها وين القمر ينظرها.......... اصيرلا كسوف غار يطفا نوره
سبحان مولانا اللي صورها.............. تحلف منلي في جناين حوره
دعانا عللي صفوته كدرها.............. وخلى الخاطر دابلات زهوره
ارتكبو جريمه صيفوا منظرها........ اللي قبل كانت عالجمال غيوره
ليش الجميله تكسرو خاطرها....... ولا تحسبوا لحساسها وسروره
وتجيب الفتاة قائلة:
يموت حنيني........ وتجف دمعاتي وتعما عيني
ودعاي عالفريق الارجنتيني......... اللي فرحتي منهم بقت ماسوره
وماعاد حاجه في الحياة تلهيني........... بعد الجرايد شاهده بالصوره
وحيده بقيت ولا من يواسيني.......... لين ننتهي تحت الثرى مقبوره
ويختم الشاعر القصيدة بقوله:
كرهتا اللي بكاها........ كيف ماكرهت الخاينه فغلاها
اللي قبل عاشقهن حروف اسماها...... واليوم منها دمعتي مهدوره
فيما مضى واجد بنيت معها.............. غلانا بقي للناس كي لسطوره
وانتي عالهزيمه دمعتك ريناها..... سالت على ميل الزمان وجوره
والياس طاغي حالتك رداها.............. ولا ينفعك دكتور لا دكتوره
ويلي صعيبه صورتك ننساها....... وطيفك مشقي خاطري بسموره
كما قال الشاعر حسن المقرحى فى قصيده اخر ..

وبالمناسبه قال هذه القصيده داخل كلية الادأب جامعة سبها

انجى الآداب.......تخطر على ام العيون ارغاب.........يضيق خاطرى

ولو جيت للجغرافيا..............بناويت ما فيهنش وحدة وافيا
بعيون ضرنى وسالف سافيا..........والخد بارق واليدين ارطاب
ومالقيت وحدة فى غلاهاصافيه.........والعقل ما يرضى بالانسحاب
ونظرة بعيدة لى ماهى كافيه ............بالله ويش ايفيدنى الاعجاب

ولو جيت للتاريخ........ايصر فيك كان العيب والتكشيخ
فيك ينزلن لين النهار ايبيخ......قرمه وسب وسفتره واعياب
الوحدة وراها ادوخك تدويخ.........وماتنال منها غير الموجعة وعداب
ومرات تركب فيك بالتلفيخ..........وجايز كلامى ليش الاستغراب

ولو جيت للآتار ......زغاريد نسون والطبل والزكار
رابخينها ربخة تقول طهار.....ولايوم دارو للدكتور حساب
ولا يهمهم فى علم لا فسار.........ولايفزعو وقتا يصير عطاب

جيت بطمعه ...............للى عشق عقلى ووالف سمعه
وين دلعو اسماعيل نادو سمعه...............عليك كاينه ما درتها فى حساب
على شانهن يفتح نهار الجمعه.............ويبيع شاورما مع الكباب
رو حت من هول العداب بدمعه.........مطعون فى صفو الغلا بحراب

ولو درت فيها دورة.........تسعين فى الميه عليك خطورة
قليل وين تلقى اللى مستورة........مدينه فى الوجه والجلباب
واللى ترجى فى العزيز حضورة.......واللى رسم ميعاد هوا والاحباب
مبسوط بين الورد والنافورة...........قدامها دوبان شمعه داب
وهى على نياتها معدورة........اللى مصدقه متوهمه ف سراب
ولايوم خطن حرف عالصبورة......ولا ايميزن علوم من حساب
فالحات فى الغية وطب الكورة.......ولا فى ايدها ترفع نهار كتاب

منور على هذه النقلة الرائعة

مشكور اخي المزروعي علي روعه النقل وصح لسان قيلها

صح لسان حسن ومشكور ولد سيدي نقلة ائعة

تحياتي.............السامر

صحيت وصح السان الشاعر حسن المقرحي

ولك مني اجمل التحية ..

» .•:*¨`*:• ][ أقوال شاعر ;][.•:*¨`*:• دكتور البادية
» عودة المقرحى مضفرا ....هاااااااااااااام
» راحن أيام الراحة(المقرحى)
» نبو للبكاء معهد ايجو طلابه للشاعر حسن المقرحى
» أقوال

.•:*¨`*:• ][ أقوال شاعر ;][.•:*¨`*:• حسن المقرحى

.•:¨`:• ][ أقوال شاعر ;][.•:¨`:• حسن المقرحى