عزيز ودني

بسم الله الرحمن الرحيم
هده قصيدة : للشاعر : المهدي بشير التمامي

{ ولكــ القصيدة ـــم }

{ عزيز ودني بالهجر ما دايعني .....؟ }

عزيز ودنى بالهجر ما دايعنى ...؟
استبدل اقصارى بالطوال فجعنى
ما المقصوده
زاد الضلام وطال فك اقيوده
رهين ليل مازالت اخيوطه سوده
وهن بيض ياما تاجهن ركعنى
عزيز وين ما انست نار نهودده
عاود بنية نار هجر لدعنى
محتار فى تفاسيره وسر بروده
وهو قبل شاره بى ومدلعنى
منين العلاقه بينا محسوده
ايام كنت فى طوعه وهو طايعنى
لا اليوم ماعنده وفاء بعهوده
لو منشغل
من قبل بزعلى ولو مستغنىمعروفه غلا بالجوده
وان تم الغلا تروين ما يقدعنى
لى وقت حالم حلم شين اجبوده
مطعون لكن ماو دى طاعنى
تفسيره الواضح ياس حت اجنوده
على هدم صوب انسان وان المعنى
الا من رحم ربى الناس حسوده
يسحابو عزيز بهجرته ودعنى
وانا الصبر عندى لين فات احدوده
على عزيز حتى كانهو فاجعنى
ولو اتبات تقعد عيبته مجهوده
خوف الشماته هو الى مانعنى
قاسى ومنه كبدتى مصهوده
وقاعد برغم قسوته لايعنى
نجبد ابروده دايره معبوده
يا لايما فى اللى هويته دعنى
ومزال منه ننتضر فى العوده
وبيه مونيتى ساعة هنا تجمعنى
متأكد اسيل الدمع فوق اخدوده
وكبده على اترق كان اسمعنى
ابها الشكل دايرنى وهام اشهوده
عزيز فوق ملال الرجاء واضعنى
كمال السعاده حلقته مفقوده
القيتها اتمنى فى الخيال خدعنى
ورد بى ولكن عالسراب وروده
من كاس عاصى الاسئله جرعنى
مشيت فى متاهه والطرق مسدوده
على جرتى تسكيرهن رجعنى
حتى انكانى عايش حياد منكوده
شاعر انه ربى بيها متعنى
ما ايهم رهنى للتراب ودوده
بالعكس طارب والفناء شجعنى
اما الجسم وين ايدوب تحت االحوده
جنحان شعرى للسماء ترفعنى
عالشمس مادام الحياه ممدوده
كاتب اشعارى والخلود دفعنى
كيف ماتمنا (بابلو .نيروده )
ضاق بي كل الكون واسمه سعنى
رنان من بعده ايصير انشوده
وين اتغنا فى الحياه تزرعنى
تقاسيم نشوه من احتار انقوده
ابنور اطمنة قبل مازعزعنى
من فضل ربى حكمته من جوده
غنى لكل جاهل والعفاف نفعنى
كل دل ندعى فيه رب وجوده
على شكر واخرى نعمته ايوزعنى

ولكــــ تحياتي ـــم

مشكورة اختي
تقبلي مروري

بارك الله فيك على المرور الرائع

مشكورة اختي بدوية

تم نقله الي منتدى الشعر الشعبي ..