ابيات من قصيدة عمر المختار للشعار المرحوم جعفر الحبوني

احنا شعبنا جاهد بكل شطاره ...... بالمال والنفوس وكل غالي هان

وهب شعبنا والحرب شاطت ناره ...... في طرابلس وبرقه وفي فزان

كل فرد ساهم في الجهاد سماره ......نسا ورجال وشيوخ والشبان

على كل جبهه هاجمو بجساره ...... ابطال ليبيا يوم الطاش ارزان

لاطير لامدفع ولاسياره ...... ولكن امعاهم في الجهاد ايمان

وليمان يهزم القوه الي جباره ...... وليمان ماكيفه اسلاح ايبان

ازحزح عدونا بات في نزراره ...... وردن افلوله عالبحر طشان

تفشول هجومه ونقطع تياره ...... وتمى يدافع داخل السيسان

والسيد عمر مايوم طفيت ناره ...... يقود الجهاد ويفتح الميدان

ونهندب الخيل ايجن اسراع سكاره ...... كما سلو يلعب سالم الجنحان


هذه بعض ابيات شاعرنا المرحوم جعفر الحبوني في وصف جهاد الليبيين ضد الغزو
الايطالي


ومن نفس القصيده ابيات اخرى يصف بها شيخ الشهداء عمر المختار وهذه هي الابيات

السيد عمر مايوم طفيت ناره ...... عالدين والكرامه مارضي بثمان

متقلد السيف ولابس الغداره ...... وفي اول جيوشه كل يوم يبان

صناديد برقه تابعين اشواره ......فوق الجوايد شبهة العقبان

لايركبوا تنكي ولاطياره ...... علي شهب يداعن معا الوديان

عدوهم امعاهم في تعب وخساره ...... صافيين مافيهم ولا خيان

هذوم هلك يابرقه الي نضاره ....... الي خلفولك صيت ماينهان


وسلامتكم