أمثال وحكم من ألسنة ليبية

الـبــخــت

قليل البخت يلقي العظم في الكرشة
قليل البخت يلقي العظم في الري
أصحاب السعد تحطّبلهم الريح
طايح السعد ينبحن عليه كلاب السوق
راقد الريح ينبحن عليه كلاب السبخة
الباب مفتوح والرزق علي الله
بـختـك نـصـيبك
اللّي لك ما يخذها غيرك
اللّي مكتوبتلك تقسملك
اللي قاسمتلك ما اطيح من فمـك
بـخـتك هـو نصـيبـك

.................................................. .................................................. ...............................................

أدعيـــــة

الله يجعل خدامك من حزامك
الله يجعل من يحاذيك يربح
الله لا تغرّب إلا خيارنا
الله يجعلك وين تشوّر تنوّر
الله يجعلك مفتاح البيبان المسكرة
الله يجعلك كي امعطن العد اللي يجوك يمشوا روايا
الله يهديك للخير
الله ايربّحك وين ما تعطي وجهك
الله لا ايدعدعك
الله ايجبها لك زينة
الله يكفيك شرهم
الله ايغلّبك عليهم
ربي معاك
يا طالب أطلب اللــــه
وقـول: يا كريم المـعاطي
إلا العبد خليك منــــه
لا يـرفــعك لا يـواطي
الإتـكال على الله
ما بعد الضيق إلا الفرج
اللّي فيها الخير أيديرها الله
اللّي عند الله موش بعيده
اللّي يبّيه ربي يصير
اللّي موش كاتبتلك أطّيح من بين ايديك
اللّي ما يعطيش ربي ما يعطيه العبد
حتي ملك الموت يموت
خلق الداء وخلق الدواء
خلق الباس وخلق له ناس
الخوف من الله موش من الناس
الخيرمن الله والشر من عباده
العمر يعارك دون صاحبه
رزق حد ما ياخذه حد
رزقك ايجيك والصبر تناله فايده
رزقك ايجيك وتربتك تتعبلها
لا هروب من المكتوب
ليلة قبرك ما تبات خلا

.................................................. .................................................. ................................................

الـــرجـــل

الراجل يحي قبيله والقبيله ما تحيي راجل
الراجل تربطه كلمته
الراجل ما يلحسش كلمته
الراجل راجل
الراجل تربطه كلمته والثور من قرنه
لراجل طير حر ان حصل ما يتخبل
الراجل سعده في اقدامه
الراجل كلمته ما طيحش في الارض
الرجال محاضر موش مناضر
الرجال بالاقدار مش بالأعمار
راجل ولا عشر رجاله
الرجال يتلاقوا والجبال ما يتلاقوا

.................................................. .................................................. ...............................................

الـبــنــت

الـلـي عنـده بنــات عنـده الــهم بالـحـفنـات
الـلـي عنــده بنــات يناسب الــكلاب
البنات زريعة ابليس
البنات سلعة ذل
البنت أم والولد كـم
البنت حنونة
البنت ضرة أمـها
البنت تتربي مرتين : وحـدة عند بوها، وحدة عند راجلها
البنت تجيب من عمتها ولو كان من كعبتها
بنت المفوّز علي عيون بوها تتجوز
بو البنات مرزوق
اللي خلف البنات ما مات
أعطي بنتك وزيد عصيدة
بفلوسك بنت السلطان عروسك
بقروشك تاخذ بنت السلطان
رباية البنت علي أمها
خوذ بنت عمك تصبر علي همك
عليك ببنات الأصول راهو الزمان يطول
خوذ البنات من صدور العمات
أكفي الجرة علي فمها تطلع البنت لأمـها
المرا حرفة ولو كان جابها وادي
المرا قعّادة حوش
اللي يخونها ذراعها تقول: أنا مسحورة
الحرة أول ماتكنّس حوشها
اجعل كل ثنيّة عندنا فيها ولية
اللي مراته قصيرة يفرح ويقول صغيرة
من كبر بختي جت كنتي بنت أختي
مركب الضراير سارت ومركب السلايف حارت
ما هم إلا هم السّلْفة، أما الحما ماشية منتلفة
عقربين في غار ولا أختين في دار
حتي وهي مريضة ما تنسي القريضة
الزاطلة تخبر بليلة عرسها
الضرة ضرة ولو كانت وذن جرة
أم الهبلة تموت وهي تاكل في شواربها
تبطل أم المهبولة وهي تعض في شِفّتّها
حُبّ النسا والريح ماله دولة مهبول من يفرح للي يضحكوله
لاتاخد رأي المرا ولاتتبع الحمار من ورا

.................................................. .................................................. ...............................................

الـقرابـــة

الدم ما يولي مية
خوك خوك لا يغر بيك صاحبك
حتي المصارين في البطن ايتعاركن
رزق خوه عند خوه
دمـك دمــك
دمـك ســمّك

.................................................. .................................................. ................................................

الـجــــار

الجار أولي بالشفعة
الجار قبل الدار
الجار بالجار
جاور حسود ولا تجاور معيان
دير ما يدير جارك ولاّ قلّع باب دارك
صون رزقك ولا تخون جارك
الـضيافــة والكـــرم
ضيف ليلة ما تورّية فقرك
ضيف وكلوفي
الضيف علي الضيف أحرّ من نار الصيف
الضيف وجهه أبيض
ضيف لجواد ايضيف
العيش يوتكل علي وجوه هله
إكرام الضيف ثلاث أيام
اللي عنده موش له
يــده في جيبه
يده مطلوقة
ليلة ضيفك أنسي فقرك

زائر

[ندعوك للتسجيل في المنتدى أو التعريف بنفسك لمعاينة هذه الصورة]

فيك بارك الله اخى
ظلمنى زمانى

مشكور الاسد الجريح على اللفتة الشعبية
لكن في امثال ما عجبونيش

زائر

[ندعوك للتسجيل في المنتدى أو التعريف بنفسك لمعاينة هذه الصورة]

زائر

:tnx:

ياقوتة الساحل
نورتى الصفحة
والامثال هذى من السنة اليبية
[ندعوك للتسجيل في المنتدى أو التعريف بنفسك لمعاينة هذه الصورة]

الله يسلمك اختى العزيزة
[ندعوك للتسجيل في المنتدى أو التعريف بنفسك لمعاينة هذه الصورة]

تحياتى
الفهد
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

بنت الاجواد

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

سويسا

[ندعوك للتسجيل في المنتدى أو التعريف بنفسك لمعاينة هذه الصورة]

» أمثال وحكم شعبية
» أمثال ليبية لهل حكمة!!!!!!!! تعلموا منها
» اقوال وحكم
» أمثال لا أحترمها
» أمثال و حكم حول التفاؤل