مام من العزيز وغيره

معارضه شعريه بين الشاعرين

مبارك القطعاني

و

جبريل الغزرافي

تقول اللازمه :

مام العزيز وغيره &&& نسينا مناويله وباب قذيره

وبري فاهقه

مبارك :

مام العزيز الباهي && اللي شفته مصة غرازة شاهي

ياما نظرناهن معاه تلاهي && والقدر بينا تشهد عليه الجيره

واليوم حبنا كيف الشراب الساهي && اوين مانواجبها تقول كبيره

الغزرافي :

مام العزيز الباهي && اللي قبل زاهي بي ونابه زاهي

الدنيا متاع الله واسم الله && تاري القمر يكتب الله تغييره

مبارك :

مام العزيز ايطرف && شناقه علي لون الهلال امحرف

من سبابيه نقعد مغير نذرف && ويبقن دموعي كيف سيل العيره

انسينا سريبه كي سريب بريقه && اللي ضيعت جاويد ناس كثيره

الغزرافي :

مام العزيز طرايف && دوره علي الجدال ماح ضفايف

له أنياب لا لجن سماح رهايف&& الدنيا غروره كي تجيك امغيره

ان هبت بقبلي يتم زرعك صايف && علاثر الحسك يقعد نخال شعيره

مبارك :

مام العزيز طناني && اللي شقيت به واجد ايام الهاني

لابس الجريدي تحت م الزيداني && وله شفاه في عيني تقول وجيره

الغزرافي :

مام العزيز الهايف && اللي عندنا كانن عليه حسايف

ياما قطعنا هن وراه شقايف && أيام حبنا والجرح في تسطيره

واليوم وين مانرعيه نبقي عايف && نقول هذا لو لول ولا تصويره

مبارك :

مام العزيز تغير && اللي صوبنا يحتار كيف أنمير

عيون الغزال اللي فليت اصغير && سبحانه اللي تمت اليوم ضريره

وقال ايضا :

مام العزيز امنوع && يهفن غراضه كنت فيه املوع

شفاته دوا للكبد نين تروع && وياما رقدنا في هنا وضميره

عيون كما شيهان حر ايبوع && متخايل حباري في هشاش سريره

مليحه بكل تسلم

تسلمي يا اسيرة الحب علي مرورك وان شالله ربي يفك اسرك وتكوني طليقة حرة في عالم الحب

» هذا الكلام 100% وغيره لا
» ألزميــــــــــــــــــه الصمت .. من نضرت اعيونك كل شى فهمت..لشاب عبد العزيز الزروق
» جرح العزيز
» احمد عبد العزيز .
» طال العزيز اغيابه .. ملكيتي