بالله عليكم ساعدوني وأعطوني الحل ....

نحيلكم قصة وحدة صاحبتي بالله عليكم شاركوني في حلها ....

صاحبتي هذه عضوة في واحد من المنتديات المعروفة .. جتها رسالة من واحد مشرف في نفس المنتدى يبي إضافتها كصديق .. قبلت صاحبتي الدعوة .. وقعدت تتواصل مع المشرف عن طريق الماسنجر .. يحكوا في مختلف المواضيع .. بدأ يلح عليها يبي يعرف رقم نقالها باش يتعرفوا على بعض اكثر .. هي في الأول رفضت لكن بعد إصرار منه وضعف منها كلماته على النقال .. بعد ثلاثة وإلا أربع مكالمات كلمها وقاللها كلام مش لائق .. ( كلام قبيح حاشاكم ) طبعا صاحبتي إنصدمت قفلت النقال وبعدها قررت إنها معاش تكلمه .. قعد يتصل بيها يبيها تكلمه هي رفضت .. حكى معاها على الماسنجر وتأسف منها على الكلام اللي قاله وطلب منها تسامحه .. حاول هلبة .. لكن هي مصرة إنها معاش تكلمه .. وهو ما زال يحاول الإتصال بيها .

صاحبتي حكتلي القصة وطلبت مني نقوللها رأي ونعطيها الحل الصح .
أنا حبيت إنكم تشاركوني في مشكلتها ... وتعطوني رأيكم ... تربحوا فيها الأجر .
[بالله عليكم أعطوها رأيكم وأنصحوها شن تدير ... تسامحه وترجع تكلمه وإلا تبعد ومعاش تكلمه ؟

زائر

لاغ تراجع فى الكلام اختى والدئب عمره مايتوب على العواء وتسالى حد بعدى هدا من الاخير

السلام عليكم أختي بدور................
أ ريد أن أفدم نصيحة إلى صديقتك وأقول لها :
إياك ان تضعفي أمام هذا الذئب الجائع وأشكري الله أن عرفت حقيقته من البداية وإياك ثم إياك أن تستسلمي للرد عليه ولو برسالة.
وأخيراً اسأل الله أن يهدي شبابنا وفتياتنا إلى الطريق المستقيم.

اولا التعارف بهذة الطريقة غلط لان اليبين مازلو ماوصلو ى هذة المراحل الاحسن تبتعد عنها

الخطأ خطأ .. واللي صار صار .. هيا تبي الحل .. مش مواسة ..
الحل انك اتغيري رقمك .. وتعالي عندنا بالمنتدى خير من الف منتدى .. غيره ومرحبه بيك ..

ومدام هيا قدرت وسكرت موبايلها معنها مازالت ما تعلقت بيه يعني .. تيكت ايزي .. اهلا بيك بيناتنا

ليس التعارف بغلط .. وان الحياة تجارب .. والمهم الاستفاده من هذه التجارب فتجربت صديقتك لعلها تكون درس لها ولغيرها ممن يعلن بها ... واعلمى اختى العزيزه بكل اختصار ...اذا كانت صاحبتك تبحث عن حل جذرى لهذا الموضوع .. اتمنى ان المعلومات التى تحصل عليها منه ان تكون فقط فى حدود رقم الهاتف لان هذا مقدور عليه وهى ان تقوم بحرق الشفره نهائيا ووتغيير الاميل الخاص بها حتى لايتمكن من الاتصال بها ... وتضعف امامه من جديد .. لان الواضح بانها حتى وان سمعت منه الكلمات القبيحه استلمت من محادثات على المسج .. وهذا يعنى انها لاتتردد فى التحدث معه
الله يهديها ويهديه
والسلام

مشكورين اخوتي واخواتي على تواصلكم معي وإحساسكم بالمشكلة .. وحسيت بيكم اعتبرتوا المشكلة مشكلة كل واحد فيكم ..
وهي فعلا حرقت الشفرة وغيرت إيميلها زي ما قلت خوي عاشق الحب .. وأنا حبيتها هي تسمع من أعضاء المنتدى شن رأيهم في مشكلتها وتسمع نصيحتهم .. باش تعمل برأي الأغلبية ...
واتمنيت إن الشخص اللي نقصده هو اللي يرد عليا .. لكن ماباش يرد لأنه مش عارف شن يقول !!!!
مشكورين عاشق .. شونا .. بسانت .. سومة الليبية .. الزائر على تواصلكم معي ..
وإنشاء الله يبعد الله علينا وعليكم اولاد وبنات الحرام ويهدينا وإياكم إلى الطريق الصحيح ... آمين

خودى نصحية اخ ليك
ما عاد اترد على رقمه
وكان تلقى المنتدى هذاك اتخليه نهائى
هذه نصيحتى ليك
لان الانسان كان قلل ادبه ما عاد يكون هناك احترام نهائى نهائى

تحياتى

الاسد الجريح كتب:: خودى نصحية اخ ليك

ما عاد اترد على رقمه

وكان تلقى المنتدى هذاك اتخليه نهائى

هذه نصيحتى ليك

لان الانسان كان قلل ادبه ما عاد يكون هناك احترام نهائى نهائى

تحياتى

نصيحتك أعتز بها وأقدرها أخي الكريم
وهي الحل الفعلي للمشكلة
تحياتي وإحترامي ليك

السلام عليكم.... اهلن اختي بدور...
لقد تعرضت احدى صديقاتي الي مثل هذا الموقف ولاكن حين اتتني نصحتها بعدم التركيز على المشكله وان تعتبرها انها ليست مشكله من الاساس ولاكن تعتبرها مطب صغير واجهته في الحياة ومر دون رجعه ولاكن قصة انه لايزال يعاود الاتصال بها اعتقد انها يجب ان توكل الامر لشاب مثله حتى يخاف ويتراجع ويعلم ان بنات الناس ليست لقمة صائغة في فم كل من هب ودب .

والله المستعان في مثل هاؤلاء الناس

[ندعوك للتسجيل في المنتدى أو التعريف بنفسك لمعاينة هذه الصورة]

» بالله عليكم المسالة مهمة جدا
» بالله عليكم ادعو للشعب الليبي وادعو للشهداء ف ليبيا
» معلومات لنا لنتدكر ملائكة الرحمن التى جعلها الله لنا ادخلوا بالله عليكم
» السلام عليكم ارجو ان اكون ضيف خفيف عليكم
» ساعدوني شن معني