غناوي وشتاوي ع المرهون

الموضوع : غناوي وشتاوي ع المرهون :

لو كان يقسم المرهون *** نرجوه ما علينا في البطا
اللي ما كلاه اصهدا *** اللسان يا مراهين ناركم
ابليت ابغلا منحاز *** قطمر العين لاهان ولا اقسم
طبيبي بقا مرهون*** او يا دا العقل نشكيبك لمن
سحبه صوب مرهونين *** العقل ما عليه والي نشد
العقل دودشه مرهون *** بشويش لين للموت قربه

شتاوات
الخاطر خلوه مراهين*** حطب يابس بين كوانين
الخاطر من نار المرهون*** ايفز تقول عليه اجنون
نارك يا مرهون كلتني *** لا باطل لا حق عطتني
قيسك يا عقلي ناكرني *** ننسى مرهون اتذكرني
نا و العين قلال عزيمة *** ع المرهون بكانا ديما

--------------------------------------------------------------------------------

وبالطبع الموضوع ليكم وبيكم يرتقي .... وان شاء الله ينال اعجابكم وفي انتظار مشاركاتكم واضافاتكم ...

لكم مني كل الود والاحترام

الولهان ...

ف المرهون رجاي اطاول *** حاولت ومالقيت امحاول

يامرهون استاعر قربك *** سكر ياس مسالك دربك

مشكور الولهان علي الموضوع الرائع والشيق ونرجو في الردود منك ومن الاعضاء المميزين في القسم

تحياتي (فتي الصحراء)

هون يامرهون عليهن **** مره مره بهت فيهن

ما زال المرهون انريده **** امفيت اتجد عليه جديده

الموضوع منور بيك يا فتى الصحراء وسعيد بمرورك العطر واضافتك الجميلة في موضوعي ..

تحياتي ... الولهان

مرهون مخلفلي غصه ** كيف اللي مات وما وصه

مرهونين توارو بدري ** غير انتي قيسك ما تدري

مرهون املوح منشابه .. يلحق فينا ما نحسابه

يا مرهون النوم خذيته .. و ايش اللي ليا خليته

الولهان تقبل مروري المتواضع في موضوعك المميز

فـــــــــــــــــــافـــي

كبدي مرهون إمقسمها **** ولي بين أيديه ظلمها

نورتي الموضوع فافي بمرورك العطر ومنك الجديد ...

اصدق تحياتي ..

بعد خلوك المرهونين **** احملتى فى روحك يا عين

مرهون هو سبايب داى **** يقدر يجيب ويغيب بالدواء

[ندعوك للتسجيل في المنتدى أو التعريف بنفسك لمعاينة هذه الصورة]

مرهون لا قسم لاهان ** مالساعة مغالاته عوج

مرهون وقاعد قدامي شال ** عيونه شل اعظامي

قديم طارحك يا نار ** أمنين ما أنحاذيه نلتذع

اللي مو صهيد لذيع ** أسمله علي من نارهم

كلاني صهيد النار ** خذيت ذنب يا جارها علي

..تلاقَيْنا نا والمرْهُون كمَلْنا شَيل وحَطّ عيُون.
.. نا والمَرْهون تلاقَيْنا قصْرَن عَ التسلِيْم اِيْدَيْنا.
. موضوع جميل ونتمنى زيد من التالق
. صحيت يا الولهان
زيزو

يامرهون غلاك وجره *** شوا بوق العقل وضره

مرهونين العين عمـوها *** بالقايد تمشي خــــلوها

اصدق تحياتي . فتى الصحراء ..

اوووه دخول قوي أخي الرحال...

نحييك اول مشاركة ليك في المنتدى في موضوعي .. ان شاء الله بطول عمرك ...

هف المرهون ونا قاعد *** ما صبيث الا نتراعد

منووورة أخت العلاقية على مرورك العطر ومشاركتك وليك مني اجمل تحية ...

سلم ايديك يا مرهون *** حطيتهن علي قيس الوجع

يالمرهون العين تريدك *** كانك ناقص صوب نزيدك

زعمه راك يامرهون **** كيفى تحوس مانوم جايك

منووورة زيزو2000 ومنك الجديد ..

... من يوم ابقى مرهون *** رجاك فيه ياعين انقطع ...
... عزيزك اغنى ياعين *** حتى كان مرهون يرتجى ...
... طبيبى ابقى مرهون *** وياداء العقل نشكيبك لمن ...

.. تقبل مشاركتى الولهان فى موضوعك الرائع ومنك المزيد تحياتى
دمـــــــــــــــــــــــ الوردــــــــــــــــــوع

احملنا يا مرهون بلاك *** اللي صارت للعقل افداك

والخاتمه

يامرهون العين غضيبه *** كي ننسا مدعاك اتجيبه

تحياتي اخي الولهان علي المتابعه ومنور

فتي الصحراء

العين من غلا مرهون *** تذوح ما دباره لاقيه

النور بيك ودام تألقك اخي فتى الصحراء ...

تحياتي

هذي سمحه عالمرهون((عندي جيش امدرب روسي..ينزل عالمرهون اخصوصي))

العين وين قالت تاب **** مرهون دار به نين نقضه

منووورة عالاضافة الرائعة دموع الورد ونورتي الموضوع ....

كبدي مرهون امقسمها...واللي بين ايديه ظلمها..

اللي غلاه في مرهون *** دواه صبر ياطول عازته

والله اخجلتني اخي فتى الصحراء ومنك الابداع والجديد ...

الولهان

. دوا مات غلا مرهون *** م النوم وين نوعي تصيدني

نورت الموضوع اخي ايهم وسعيد جداً باضافاتك ...

تحياتي

علي اثر جيرته مرهون *** تما بغيبته ما ينطري

اصدق تحياتي للجميع ...

الوقت مرتين اضلمك..خذا مرهون واحذاك جاورا.

» اي فاهق وسع علي خاطرك بس
» غناوي علم قويه
» غناوي وشتاوي علي العين
» غناوي وشتاوي ع الاقسام
» غناوي وشتاوي ع النار