والله مانك عيني ...

السلام عليكــم ورحمـة الله وبركاتــه

شنى حالكم يا عيلة

إن شاء الله بخير

الحقيقة صارلي موضوع ومضايق منه انى درت حاجة نبيكم تقولولي غلطت والا لا

انقوللكم القصة

ملوكي فيه واحدة من قروبه يعامل فيها معاملة خاصة

قصدى مدللها اكتر من البنات التانيات

لين الجماعة شكوا انى انحبها

والعفسة انها صدقت روحها رغم انى امقايللها

i love u like a best friend

وجت تحكي للجماعة قالتلهم رهو متعلق بيا وانا ما عرفتش كيف انقوله

stop خايفة انه يتغشش والا تصيرله حاجة

المهم خوكم ماشي فى الدور لين جتنى بنت من القروب

وقالتلي راهوا صاير واحد 2 تلاتة

انى طبعا

قلتلها باهي

لميت القروب كلهم وقلتلهم بنقول حاجة لفلانة نبيكم كلكم تفهموها

قلتلهم

مــــانـــــك قـــريـــبـــــــــــــة ليا ... أنتي واحدة مــــا عندها أهمية

نريد نقولك

مـــــــــــــــــانــــك عـــيــــنــــي ... ولانـكــ قـــريــب لي لاتعنيني

وما يضرني ان قالوا انك ناسيني ... ولا يضرني النقار لا الحسدية

ولا نـفـقـدكـــ لا بـعــدكم يكويني ... بـنـار الـغلا والشوق والغيرية

وكـــان بعدت ما نقول يا جافيني ... وكــان قربت مـا نقولك غاليا

مــــانـــــك قـــريـــبـــــــــــــة ليا ... أنتي واحدة مــــا عندها أهمية

نريد نقولك

مـــــــــــانـــــــك روحـــــــــــي ... ومانك اللي بيدك دوا لجروحـي

ومانك غلا قلبي ومانك موحـــي .... ولا ننقهر ان كــانـــا تفرط فيـا

ولا ف بعدكم يكتر بكاي ونوحي .... ولا نعبرك ولا نقول انتي الغية

وما نتغير ان كانا بغلاك تبوحـي ... زي قــبـــــل صحبتك عــــادية

مــــانـــــك قـــريـــبـــــــــــــة ليا ... أنتي واحدة مــــا عندها أهمية

نريد نقولك

مـــانــــك غــــــــــــــــــــــالـــي .... وماني اللي نسمر عليك ليالي

ومانك نزهة خـــــاطري ودلالي ... زي أي وحدة صحبتك عــادية

ومـــانك اللي تشغلي الفكر وبالي ... ومحـــال حبك يسكن جواجية

ومــــــاني اللي باني عليك امالي .... ومــاندورك مـيــتة والا حـية

مــــانـــــك قـــريـــبـــــــــــــة ليا ... أنتي واحدة مــــا عندها أهمية

نريد نقولك

فيه من اللي وقف معاي وفيه اللي عيب عليا

انتم شنى رايكم

مشكور ملوكي

[ندعوك للتسجيل في المنتدى أو التعريف بنفسك لمعاينة هذه الصورة]

لكن كلماتك ممكن تكون من غير القروب يعني بينك وبينها ... هذا رايي

مشكور ياغالي

تحياتي..........السامر

الصراحة الكلمات جميلة

لكن التصرف مش جميل

حرام عليك ..تكسر اخويطرها وهي تبيك

يا ملوكي راهو حرام عليك

ولك كل الشكر والتقدير ..

تبي الحق يا اوخيي هو عيب تخجل االبنت قدام الناس

وبعدين اكيد بتصدق روحها مدام لقت اهتمام زايد بيها

ههههههه بس كلمات القصيده حلوووه يعطيك الصحه

وكان كل عفسه بي قصيده حلوه كويس منك

مشكـــــــــــووور

مشكورين ومنورين

تصرف غير لائق اخوي

كان ممكن تفهمها وحدها
هذا رايي وانت عينك ميزانك

الف شكر على الموضوع

كلام جارح وصعب ويستاهل من يستحقه لك مني كل الشكر ومنك الجديد دوما

كلام سمح بس

قسيت عليها وتقدر توصللها المعلومه من

غير ماتجرح شعورها

سلام مؤقت

:02: [b]

شعر جميل جدا يوصل على طول بدن تفسير
اما بالنسبة الى تصرفك فهذا شيى يرجعك اكيد كان هذا الحل الوحيد قدامك ولا تندم على شيى فعلتة وعادى توة تقعد ذكرة تحكية الى عيالك انشاءالله

بدون مجاملة ياملوكي

؟؟

:evil: :evil: :evil: :evil:

:( :( :( :(

!!

غلطان خويا ,, عليش اتعاملها معاملة خاصة ومدللها وبعدين تقسا عليها بالصورة اللي وصفتها في الشعر

معقولة دلال ودلع وبعدين طلعت ماعندها اهمية ممممممممممممم

تحياتي وراك تزعل من ردي

شكرا لكم

» ياليل مانك عادي -
» لا والنبي مانك هضاك الغالي
» يا جمر مانك طافي ....لشاعر الكبير : على شحات الفاخرى
» ياجمر مانك طافي *** حتي وينما هلته عليك السافي ***حسيت لذعتك
» بان دمع في عيني