ليش الزعل

ماتزعلي ياريدي ...... اطلبي اللي تبيه كي ماتريدي....اني عادرك


ليش الزعل ياغالي ... وانت غلاي وبهجتي ودلالي .... كانك علي نرضي الحق اولالي .... انتي اطلبي اللي تبيه بلاترددي
والحق حقك مايردا والي .... نتعب علي شانك انجيبا بيدي
ونقولك بلله غير تعالي .... خودي احقوقك هاك دم وريدي
لانك غلاي وزهوتي وامالي .... من بعد صوبك مانريد جديدي
ارضي علي يلي دبلتي حالي .... انولوا احباب بجد ويدك في ايدي



ماتزعلي ياحبي ... وانتي عارفه انك دواي وطبي ... وانا علي يازين يشهد ربي ... من غير حبك مانريد قليدي
والله ماعنك خبر متخبي ... مهناك شي يستاهل فهتنكيدي
نبي نرجعو يمناي كي ماتبي ... الا الزعل بلله عنك حيدي
ليا تو نيرانك امعاي تصبي ... تشاعل افلفواد دون وقيدي
وكانا علي لقسام ري من ربي ... وانشالله يمناي تبدي ريدي


ماتزعلي يازينة ... يلي معاك الصوب بيه اشقينا ... وياما تكلمنا وفيه حكينا ... والحل يعلم بيه سيدي ربي
لاكن علي اللي فات بينا بينا ... طالب سماح وعدر كانك تبي
طالب اتكون امعاي ياغالينا ... واكيد نار الشوق تطفي تهبي
لانقل منك لاتقل علينا ... خودي زها ودلاال كي ماتحبي


ليش الزعل ياخايل .... يابوخدود يضاون اتقول فتايل ... يابودور ياطاوح ايطيح جدايل ... ينزل علي لكتوف كي الجريدي
يلي عيونك سود دون كحايل ... وهدوب دوب ترف في التهميدي
يلي المضحك فيك يشكع هايل ... اهلال يضاوي فليلة عيدي
ورشقة وبرمة كاملة الخصايل ... ماهو عليه قليل جوف الجيدي
ومشية اتقول زعيم بين فصايل ... تابت ايخطي علي الوطا وشديدي
وتقلة ورزنة فيه لا ماتحايل ... واخد كمال العقل موش بليدي
اللي وصفها ماريتلاش متايل ... تستاهل بجد القول والتبجيدي
وني طالبك يالله راني شايل ... شايل اهموم اكبار في التعديدي
قرب امناي اتفكنا الوحايل ... من دون كيد الناس والتهديدي



ماتزعلي ياريدي ...... اطلبي اللي تبيه كي ماتريدي....اني عادرك


من اشعاري
تحياتي.........اسامة المقرحي