أخترت لكم منوعات غناوي وشتاوي علي كل شي

السلام عليكم .. اخترت هذا الموضوع حتى يشمل اغلب محاور غناوي العلم والشتاوات ..
ويسرد الموضوع غناوة وشتاوة علي كل بند ومش بالضرورة يكونن رد علي بعضهن ..
وتقبلو تحياتي أخوكم الولهان .. وأكيد يرتقي الموضوع بردودكم وتعليقاتكم ..

لوهام :
اوهامك ديمة تلعب بيك **** تعلي مرة وتواطيك
تخطيمك على الاوهام **** جدد سريب مانا في وارده

القديم:
غلا قديم نطري فيه **** انريد ثلث م الليل ناخذة
حتى كان اقدم فضيولي **** ماني كيف زمان ابطولي

الصوب:
عزيز كان خان الصوب **** عزاي فيه توبات علي الغلا
دونك يامولاى انصفلى **** خان الصوب وهو حالفلى

النار:
الي ما قاس النار ايقول **** امغير اصبر شده وتزول
كل اللي فازع سيبني **** في نار المرهون هلبني

العزم
العقل لاتزيد عليه **** رقيق عزم بكاى ياعلم...
وخيذه خونتهم لو ريــــت ******* مغير بعزمــــى ما جضيــــت

الغلا
ارغبت فيه قبل ايصير **** واندمت وين ما صار الغلا
غلاكم يالولاف اشبوب **** ان لط يعوزنا فالصوب

الايام:
الايام قاصرات معايا **** خذن عزيز ويش يدورن
عزيز حلفنا ماننسوه **** إيدورن ليام ونلقوه

الخيانة:
ليش يا عزيز تخون **** تنسى عهد ما كان بينا
عالخونة ياما وصوني ****ناس اعزاز وبيها جوني

العقل:
العقل كان طال اعزاز **** يزهى بلا مال ساده
قاعد يا لولاف بلاكم **** درنا نا والعين عزاكم

النوم:
متخايله منام قديم **** لها ايام م النوم خايفه
تلاته فاقدهن فى يوم **** الغالى والراحه والنوم

العين
العين من غلا مرهون **** تذوح ما دباره لاقيه
عندي عين الموح قتلها **** تمشيلك واتسيب هلها

المرهون:

أنقولوا فيها لك ياعين **** يضرك صوب االمرهونين
خلاك المرهون ضريرة ** ** ياريتك دورتي غيــــــــره

الكبد
حنونه ودارت كبد **** على عزيز ويش ايفضها
عزيز قتلنى بنار الشوق **** يقطع فى كبدى ويذوق

لولاف
مقوى عزومهم لولاف **** نسيونا بعد واجد غلاء
ايريدونى لولاف انشيل *** احمول على حملي الثقيل

الجرح:
كذاب من ايريد ايقول **** الجرح بعد قديم دوايته برئ
هن الزوز عليك مصيبا **** مجروح وما هناك طبيبا

الغيِة
قسامي بلا غيات **** بالخاطر الله لا يجيبهن
ماني معتاز لغياتا **** الغالي كي روحه اعجباتا

السلام عليكم
عليها كان قطعت الحن *** اتشيل نظرها العين المن

انجاتك سية من عقال *** الها ما تعرف ما ينقال

نكذب يالولاف حشاكم *** كان أقدرت انعيش بلاكم

يالانظار أخذن تركينه *** وأشلن علي ساير فينه

مشكوووووور والله يعطيك الف عافيه يا اخي ** الولهان ** علي موضوعك الرائع يغالي .

تقبل مروري المتواضع

عندي عين عليها خايف **** ديما عالولاف اترايف

والله أخجلت تواضعي يا أخي ejaly ومنوووووووررررررر على تعليقك الجميل ومرورك العطر ..

ونأمل منك المزيد ......... تحيات أخوك الولهـــــــــــ((الولهان))ـــــــــــــــــان

.. اللى ع الغطا مكتوب ... ايصير غصب ع العين ياعلم..
.. عزيز لا ارهن لا هان ... ولا قالوا افضى نين نطمعوا..
.. مرجاهم عليك عليك ... يقصر يطول ترضى تزمقى..

مشكووووووووووووووور الولهان على الموضوع الرائع ومنك المزيد وتقبل مرورى.
دمـــــــــــــــــــــــــ الوردـــــــــــــــــــــوع

لو كان الوطا تنشال ***** انشيلوا العزيز ومقعده

عزيز والعزيز عزيز ***** ويبقى عزيز ليوم لاخره

عليه رقرقن لنضار ***** عزيز وين مواله خطر

منووررررررررة دمــــــــــــــــــــــ%الورد%ـــــــــــــــــــــــــــــــوع على مرورك وإبداعك ونأمل المزيد

الولهـــــــــــــــــان.............. تحياتي

اعيونك اللي شاردات **** ورا عزيز واطن هدبهن
ياريت يادموع العين**** تجيبن عزيز وتنزحن
قوافل دموع العين **** علي عزيز مايوم غيبن
امسكر علي مافيه **** العقل لين غيابه يجو
العين دمعها سقطار **** علي عزيز ياما بكت
نهيناهن..يديرن عزم **** ايجيهن الليل ويدرفن
كان فيه دمع ايسيل **** يالعين هادي دارهم

غلاهم زها و عذاب .. و خطاه دواء لكن كدر

بكاية يا العين مقابر .. نين ادموع الماقي دابر

أبكن والا ما تبكن .. عزيز أرهن والراي ألكن

يا دمعه عيني حراقه .. منهاله من طول افراقه

مازالن كى عهدك بيهن .. يملاء و يفرغ ماقيهن

فـــــــــــــــــــــــــــــــافــي

كذاب من ايقول عجرح ***بعد عزيز داويته ابيدي.

عزيز مو امغير النوم *** حتى العقل منى واخذه .

تقبل مروري (الولهان )
تحياتي

غلاك زارعه في الروح ******* موطالع الا بطلوعها

صغير في ربيع العمر ******* صفا شيب راسي على القدم

فداك ياعزيز الكبد ******* اللي بين نيرنك هفت

نورت الموضوع اخي أمير الغربة وأكيد سعيد بمرورك كما نأمل التواصل

تحياتي ......... الولهـــــــان

غلاهم بقى للعين *** خيال ياعلم في نومها

عزيز في المنام ايجي *** وفي الارض جوبة ياعلم

نورتي الموضوع أخت** فافــــــــــــــــي** ولكي مني أحلى تحية على ردودك

تحياتي ... الولهــــــــــــــان

الف شكر تحياتي_ وصف الهميل

اثنين صاعبات عليك ...... نسوة عزيز ياعين والرجا

إن كان الغلا قتال ...... الدايم الله يارويحتي

أنستي الصفحة أخت وصـــــــــــــ(الهميل)ـــــــــــــــــــــــــف وننتظر مشاركاتك

الولهــــــــــــــــــــــان

...بعد دلال في غيات ....لنضار يا علم عاشن غرب
...لموا مكاسبه ونكروه...... عزاز صوقروا راس مالهم .
...ما طالهم حيين ..... العقل قال نرجى لاخرة .
...ابدعت يا الولهان في اختيار هذا الموضع الجميل ..
...تقبل مروري

... اعزاز ناكرين غلاى *** والكاينه دوا داى عندهم...
... الكاينه انكان الوقت *** بمواجع اخرى عابيلنا...

اندير الغلا ويضيع **** ملطوط فيه بختي نا اللي

لقسام واخذات عزيز **** لغيري ونا عوني رقد

صنم شكيت له م الياس **** جبر ابخاطري وقال يقسموا

هذا من لطفك زيزو 2000 ومشكووووورة عالمرور ونأمل المزيد

تحياتي ... الولهـــــــــــــــــــان

تباعد عليك عزيز **** أجبال ياس دونه ظلمن

مطاول بعد لولاف **** فجرك بعيد يا ليل خاطري

أجمل تحية ليك دموع الورد ومنورة عالردود

كذاب يا منام الليل **** اتجيب في ناس طال ياسهم
لو كان غير أتغفي **** تطييب نوم ماهي اموالفه
مطاول بعد لولاف **** فجرك بعيد يا ليل خاطري
الخاطر لو كان أيشاكيك **** بعزمك هاذاك أيبكيك
اعشمي في عزيز ايبان **** برهاني قوي غير ع المهل

خلاني قديم عوين **** مع جديد يا نار اولعي
انسيت قديم ودرنا غيره **** وما صارت للعين بصيرة
جديد يا القديم ادفرك **** كنس مطارحك نين عججن

... عزيز وين ماخذاه الدهر *** لقسام ياعلم عاودن...
... مقسوم فى اقسامى قسم *** يقسم عزيز قسمه لغيرنا...
... القسم شين كى ينويك *** ياخذ غلاك ماايجى ايشاورك...
... اللى توجعك ياعقل *** ملطوط قسم فلى اتريدهم...

تحياتى الولهان وتقبل مرورى ومنك المزيد
دمــــــــــــــــــ الوردـــــــــــــــوع

نكـريـك يالـنصيـب إكرا *** صبـي مـعـاي رانـي نـريـدهـم

الساهلة قسمت جديد *** والكاينة هي ملاقات لقدم

يالأقسـام إلتـفتـن شوري *** ملزوم بلولاف ضروري

صحيتي دموع الورد ومنور الموضوع بمرورك

اتقول في الغطا مكتوب ... يخطر عزيز ساعات نومها
خيالات ياس عزيز ... للعين وين نامت ايجن
سريب ناس كانوا صوب ... البارح منامي جابهم
معاه النوم غير خيال ... العقل يا بعيدين عندكم
الصبر شين وزين ... عليه كان يالعين تقدري
هاك صبر داوي داك ... احسن عزاك في صاحب الغلا
الدمع ما يجيب عزيز ... الصبر خير واولى م البكا
اصبر تنال صوب عزيز ... اموالة الغلا طولة رجا

... مابعيد غير الزول *** الا العقل ديما عندكم ...
... صعيبه عليه العقل *** ينسى اعزاز روحه عندهم ...
... القيهم ابعاد عليه *** العقل وين ناض ايردهم...
... عقال عقلوه العقل *** بعقال غير مازال مااعقل ...
تحياتى

فى الكبد نازلين ابثقل **** اعزاز لين فى دمى جرو

بلاه ما يصير الصوب**** القدر هو مباديه ياعلـم

منوووورة دموع الورد على ردودك ومنك الجديد ....

العقل قالي بالعقل * * كيف يجي النوم والدار خالية

الناهي غير انجـــــــــامل فيـــه ***** أن قلت غلا لول ناسيه.

يالعزيز امبكي انظاري ******* قيسك ماتبيلي طاري.

حتى لو ماصار غلاكم **** انجيب اوليد ايحب ضناكم .

اخي الولهان تقبل مروري المتواضع واضافتي المتواضعة

تحياتي

» منوعات غناوي علم
» اي فاهق وسع علي خاطرك بس
» غناوي علم قويه
» غناوي وشتاوي علي العين
» غناوي وشتاوي ع الاقسام