تعريف الياس في غناوة العلم والشتوة

او الياس بصفة عامة...
– الياس : وهو اليأس والعدو اللدود للعشاق فيعتبر "الياس" المانع أو الخط الأحمر الذي يمنع الجمع بين عاشثين أرادا بعضهما وأحبّ كل منهما الآخر تقول غناوة العلم "عواقب الغلا ياسات .. اتسير هذي في خاطرة عليّّ "

الياس بعد دابنه ياس ***** عليش اتشاكوا بيه الناس؟

الياس ابقيلي كليات ****** ايسجل ويخرج دفعات

ياسي ما كيف الياسات ***** اعويلة داير وبنيات

مشكوووور اخي فتي الصحراء وانزيد عليك بها الشتاوة

-ذيب الياس بعد صادفني ****رحب بي وطول عرفني.

مشكور امير

ديما الياس يصير .. واخرى بعده لولاف يقسموا

يربيه الياس وين انـدير .. متبوع فى الغلا نا قيسني

قديم ماعلينا فيه *** ارفع ايديك يا ياس ع الجدد

انى نزرع والياس ايلقط *** جاني كيف الطير امسقط

...أمير الغربة كتب :
..انى نزرع والياس ايلقط *** جاني كيف الطير امسقط
....نقوله :
....هذا هو الياس صحيح ؟؟؟؟ إلا لولي فيه الرجا !!!
...مع تحياتي

نا والياس لعبنا كورة *** فزت علية نزل جمهورا

......ملتمات علية مصايب***ظلم اوياس اوغالي غايب ؟؟؟
....كلهن واجد .....

سقوها كاس الياس *** تحسابا دوا يانويرتي

....طالب الله فزاع ***** يجيبهم بعد يا قوي @@@

بشواش جيبهم ياقسم *** اعزاز نين فيدي انحطهم

كل مكان انقولوا ريح **** في اياس اشبوب امطيح ...
تحياتي

» ماهو العلم ..أو غناوة العلم؟
» شنو.........غناوة العلم ؟
» المستحيل في غناوة العلم
» للأذكياء فقط الألغاز في غناوة العلم
» دور غناوة العلم فى حركة الجهاد