كسكسى ليبى صح

الكسكسي الليبي بالخضار و اللحم

** اولا : الخضار واللحمة:
-- بصلة كبيرة تفرم فرم خشن وكبير وتشوح فى مادة دهنية وبعدين نزل عليها بكمية من الحمص المنقوع قبلها بليلة مقدار كوب تقريبا ,, وبعدين اللحمة او الفراخ وتاخد رشة بابريكا وفلفل اسود وبهارات لحمة او فراخ ,,

...-- يضاف عصير طماطم حوالى نص كيلو طماطم ومعلقة صلصة ويترك لحد ماللحمة او الفراخ تقرب بتستوى وطبعا لو احتاجت مية نزودها

-- يضاف الخضار المقطع قطع كبيرة يعنى مثلا البطاطس والكوسة والجزر والبروكلى والقرع كمان بيبقى حلو جدا فيه كله يكون مقطع انصاف كبيرة وقرن شطة حامى بيخليه تحفة وياخد غلوة وبعدين توطى النار وتسيبيه يستوى تماما ..

** تحضير الكسكسى :
لو هتستعملى الجاهز ,, الكيس لو كيلو تحطيله 2 كوب ماء او كمية الماء المكتوبة على العبوة + 2 ملعقة كبيرة زيت ) وتقلبيه كويس بمعلقة خشب وتسيبيه 3 دقايق بس يشرب المية ,,
وبعدين يرفع على النار فى حلة البخار او لو معندكيش تبقى مصفاة المكرونة تحطيها على حلة مناسبة يكون فيها كمية قليلة من الماء وتغطى عليه على نار هادية ويقلب من حين لآخر بالشوكة لحد مايستوى تماما وتلاقيه بقى طرى وجاهز للأكل ,,

بعد ماتشيليه من على النار اقلبيه فى طبق عميق كبير وضيفيله معلقة صغيرة ماء زهر ودى تكة من ماما بيخليه تحفة ونكهته مميزة ومعلقة سمنة ,, وطبعا هنكون عملنا الخضار وجهزناه هناخد كبشة من صلصة الخضار ونسقى بيها الكسكسى ودى اللى هتخليه مغربى جدا وطعمه مختلف عن الكسكسى بتاعنا العادى لحد مايشربها الكسكسى ونقلبه هيبقى لونه احمر وتحددى كمية الصلصة حسب رغبتك بس بجد كترى منها لانها بتخلى طعمه تحفة بجد ,,

ينقل الكسكسى لطبق الغرف ويوزع على وجهه الخضار واللحمة او الفراخ والحمص ,,
وبالهناء والشفاء
[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك
تقبل مروررررى
شكراااااااااا
مع تحياتى
[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيك
وشكرا

وانشاء الله يعجبكم الكسكسى
[ندعوك للتسجيل في المنتدى أو التعريف بنفسك لمعاينة هذه الصورة]

» كسكسى البصلة .
» كسكسى بالحوت 100%
» انا ليبى .......
» ليبى حزين
» انا ليبى للشاعر محمد الا صيبعى