افراح عائله( الطليونى) شحات

زائر

شهدت مدينه شحات قعده علم راكحه بحضور الغنايه :

الشايب سليمان الشريمه " ابراهيم بوعزيزه " موسى العبد" مفتاح الميراد"
احمد شغلان"بوحسين التركاوى"عبد الكريم بوزيد " فتح الله الحاسي"

مقسمين على يومين الثلاثاء والاربعاء
ملاحظه:
بعض الغنايه جو ولم يغنو فى الفرح

بسم الله الرحمن الرحيم

سليمان الشريمه:
انخاف جيرتى لعزيز ..... تختم عليش يا ساتر استر

موسي العبد:
عديه جار م الجيران..... اللى غنوه يا الحايسه على

شغلان:
لنا عزيز فيه ادموم..... لوكان غير جيره امحوله

شغلان :
ستره انريد نالى شلت .....خليتم غنايا برضهم

موسي العبد :
لا اتشيل انت لا نا انشيل.... لوعتك احملت يابال جيرتك

شغلان:
يانا يا انت يالقديم ......ويشيل خير ما جيرت هنا

موسي العبد :
يا ريت يدفنونه احذاى......مو مغير جار وانريد شيلته

وبعدها توقف شغلان عن الغناء
************************************************** ************
سليمان الشريمه:
ادمايتى خراب غلاى ....عليك وقت مبنى عالبدع

عاشور بوجازيه:
مو مغير ع الغلا خايف........وصب عليه للياس الدمى

محمد بوعصر:
علمت العين صاحب صوب.......ناشد عليها نقضت

ابراهيم بوعزيزه:
موتى بعلتك يا عين ......منك اوفيك خراب الغلا

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,

وبعدها وابل من الشتاوى:

خراب غلاى اخرب جاله...يدمالى كى ما ندماله

الله غالب يا عين عليك ........اللى خرابه منك فيك

لوعتم لولاف الغبرا......... تبرا غير ايمتا تبرا

ايشن دودتكن يا النظار .......اتجيكن لوعا كل نهار

من لوعه يا عين لوعه ...... قيسك من غادى متبوعه

الدنيا كى تلزمها فيك........... مصافق للريح اتخليك

رينا فالدنيا النكيده......كل ربيع وراه حصيده

مو دايم فالدنيا والى .........يوم فراق ويوم غوالى

يبكى بو عزمين اكبار ... فرقا الولدين معا الجار

الدنيا كل نهار افراق ...... ونا ديما بالى ضياق

يوم فراقا يوم امظلم .......حتى لبكم فيه تكلم

وعوده للغناوى من جديد:

ابراهيم بوعزيزه:

داير جديد داير يوم......طروك يالقديم اعلمتنى
انظرى شلت فيه ارزيت..... قديم ما تغاذالى شوى

سليمان الشريمه:
ظلمت خاطرى وخلاص ........تبديله قديمين واعره

وبعدها عدى سليمان الشريمه ودخل( بوحسين التركاوى)

ابراهيم بوعزيزه:
قابيت الغلا ما صان ......... قديم خان درناله بدل

وغنى غناوته المشهوره ( يلعن جد الدهوره فى الغناوة هذى)
(تلحف عليه فاضى صوب........متسارقه غنى عينه على)

وقال اخرا:
نمشيله بال مرسال .......ننظر قديم لولا دمايته

محمد بو عصر:ارهن وقالى نرجاك ........حجايج قديم ايدوخن ؟؟

ودخل التركاوى وكانت اول غناوة له:
نملا انظرى ملولاف ........ساعات يا المولى طالبك

وبدأت الماسكه بين
(التركاوى vsبوعزيزه)

ابراهيم بوعزيزه:
الكاينه عطانى عهد ........ماجا قديم على قالها

رد التركاوى:
ايدونك عزيز اهلبك.......... ارعى بداك ياما قلتلك

بوعزيزه:
اللى بدروا بالنقص......نبقوا انعولو فغيرهم

رد التركاوى:
حال غايتى ننساه .....قديم غير مو هين على

رد بوعزيزه:
قديم خير منك بيش.......بعد جفاك ديري دوته

التركاوى مصر على رأيه:
مى ساهله انى نجفاه.........عزيز لجل عشره بينا

رد بوعزيزهرد قوى جدا:
عشرت اسنين كان قديم .........لوكان عدها ماسيبك

بس كان لتركاوى راى اخر:
عقاله اللى لطوه.......كلى عزيز موصاحب جفا

الرد من بوعزيزه كان واعر بلكل:
عالعاقله رميت النقص.......عليك عذر مشنون جبتلى

رد التركاوى:
عقاله اسباب خراب ........ززلوكان اتعلم هاذى الصادقه

رد بوعزيزه (فى الصميم)
عقال والقديم جفاك....... من غادى اوهو موانسلهم

رد التركاوى:
مجبور جبر واخذ راى........ويش فيده قديم ايديرها

بوعزيزه:
اشقيت فالغلا عامات.........داروبه الله غالب اخرب

التركاوى.
نداوابهم يا قسم ........... حتى حلم لولاف جيبلي

بوعزيزه:
الى مادنا فالوقظ.......قديم حلم ماهو سادنى

زائر

موضوع رائع
بارك الله فيك

ايزيدك عز يا غالي

» افراح بلادنا بين امس واليوم
» احلى فساتين افراح للبنات .
» مدينة شحات الأثرية
» كلامك سمح للشاعر على شحات
» هاضا مكان لقانا الشاعرعلى شحات