هل تتعقد انى انساك

هل تعتقد انني نسيتك ؟

فوالله احيانا ادخل لغرفتي لوحدي واجد نفسي ابكي وتنزل دموع من نار لكنني لا استطيع ان ارفع صوتي لانني لا اريد أن اعيد احزان هذا البيت .

ابي الغالي هل كلمات العالم تكفي لأعبر بها .

لكنني لا اجيد استخدام اللغة الفصحى لأعبر عما في نفسي .

ابي الغالي لنجعلها تعبير دموع فقط ابي الغالي لنجعلها دموع صامته حتي لا يسمعني احد ابي الغالي استاحشتك استاحشتك استاحشتك

استاحشتك بابا . ستاحشت نحضنك بقوة بقوة نبي نحكيلك هلبا حاجات نبي نشكيلك فهلبا حاجات نبي ناخذ رايك فهلبا حاجات .

بابا استاحشت تنطق اسمي

بابا ستاحشت نرقد معاك في الليل

بابا استاحشت ندير غلط وتضربني

بابا استاحشت ناكل معاك وناكل بيدي اليسري وانت تقولي كول بيدك الثانية

بابا والله العظيم ستاحشتك هلبا ستاحشتك موت

بابا نعرف ان انت متت للابد لكن انا استاحشتك

بابا يا بابا مش عارف شن بنقول بابا نحبك واستاحشتك بابا ، بابا انا معادش نقدر نتكم لان دموعي هلبا .

بابا يا بابا يارب فجنة الفردوس يا رب

ببابا مش ناسيك في الدعاء ان ربي يرحمك يا رب .

بابا انت اعظم واحن واحسن انسان شفته فحياتي .

بابا كل خوتي وماما يدعولك كل صلاة

بابا ماما كل يوم بعد الصلاة نسمع فيها تدعيلك

بابا في ذمة الله يا بابا ومش ناسيك طول حياتي .

شكرا علي الطرح

الغيور الله يرحم موتنا وموتا المومنين كافة..اعجبتني كلماتك التلقائية واجمل ما فيها صدقها ووضوحها وبساطتها
,,شكرا لك تحياتي