خلاص ارحلوا ما انريد منكم شي..

السلام عليكم..هذي اول مشاركه لي ان شاء الله تعجبكم..

ماعليكم في-- الفراق منكم والدموع علي

مربوحا امسامح

مانلوي عليكم-- ان كان عني هجركم يغنيكم

حسيت غيبه في سلام ايديكم-- او في اعيونكم ريت الحنين اشوي

افداكم العمر اللي جمعني بيكم -- وحلم المكان اللي خلاص افضي

ايام اتجوني في الغلاه وانجيكم-- ويدفن ايديكم في احضان ايدي

حتى او نا مازال شوقي فيكم -- شوق الجدايب والضماه للمي

جرحي امسامح فيه ما انزابيكم -- خلاص ارحلوا ما انريد منكم شي

الله امعاكم-- مادام صار الياس من دنواكم

وانعد عقلي ما ازهي يالاكم-- لا احلمت لا حسيت انكم لي

كم كان غالي علي العيون ارضاكم -- يا اولاف عندي كي ارضا والدي

سامحت ما فارق امغير غلاكم -- الدنيا اتفرق بين خي او خي..

ما عليكم في ما عليكم في..

ماشاء الله يا ايهم
مشاركه رائعه
ونتظر منك المزيد من الابداع

مشكور يا أيهم قصيدة ممتازة والله

الف شكر يااختي وانشالله موفقه دائما _ولك مني اروع تحيه اختك وصف الهميل

شكراً على اختيارك

وياريت تذكر اسم القائل

ولك كل الاحترام والتقدير ..

ان شاء الله ..هذي القصيده لولد عمي ..

اختيار موقف عزيزي
دمت ودام التواصل والابداع

مشكور يا غالي

مشكوره السزيه_البدوية موفقه..

» ماتن خلاص أشواق
» ما انريد ازعاجك (نعيم الزوي )
» كني وين نقول خلاص /للشاعر فتحي القابسي
» ايش تحساب روحك!!انغبت خلاص ما نداوي اجروحك ..
» كني وين أنقول خلاص