طز فيها طز ............... جديد نعيم الزوي

يقول نعيم الزوى

طز فيها طز

كانت معايا عايشه فى عز
لو فارقتنى

طز فيها ديما
وطز ف المحبه الماضيه القديمه
ما عاد تسوى ولا عليها قيمه
ولا صــوبها تميت بيه نعتز
لومى على عقلى وفى تحكيمه
غلطان غلطة عمــر ما فرز
دار الغلا صـدفه معا تخطيمه
غــره جمال الشكل نين قفز
وما كان يعلم علم فى مواهيمه
اللى صــار كله بالجفا ينحز

رد الشاعر رجب الشيخى

طز فيها طز
كانت معايا عايشه فى عز
لو فارقتنى

طز فيها
واتهون عندى لو انهون عليها
ولــو ناويه لفراق ما نبيها
حتى ولو كانت علــى اتعز
ننسى غلاها ونطمسه ما ضيها
مـــوال وانعده خلاص انحز
ولو كان فى لحضه خطر ما ضيها
م العقل كل اللى خـطرلى انلز
عزمــى قوى العين ما نبكيها
ولو طحت نقدر من جديد انفز

.شكرا على الكلمات الحلوة صديقي لا تحرمنا جديدك

كلمات معبرررررررررررررررررة شكرا لكككككك

مشكور كاكا على النقل