الشاعر يونس الشلبي(لقيت صورتك)

لقيت صورتك
الشاعريونس الشلبى

لقيت صورتك داخل اوراق قديمه....تفتيشة العدوياحلوة التبسيمه

ورق متغاضى....................عليه تاركه لاجل يرق غراضى

اياماَ ونا شاقى سعتَا فاضى.........قبل الزمان يديرلى تخميمه

ورا بنت كانت هى اسباب امراضى.....ولاعند توا تصيرلى تدويمه

على وين ماتخطر يزيد غياضى..........ندوخ نندهش ونودر التكليمه

عيونها صناديق العقول تشاضى..........ونا بالعيون السود عندى هيمه

الحامل كتاب الله حتى القاضى...........إن راها يطلق بالثلاث حريمه

جريت غير ماقسمت مشى ع الفاضى......مشوارسمح فى جرة عيون الريمه

أوراق قلايل...............................حطيتن بعيد معاى مانى شايل

يحون غلا بايد سريبه زايل............وميط م الورق تافه وعنده قيمه

ثاريتنى ماننفع مغير نحايل...........لانسيت لاننسى محوجب ميمه

حقيت صورته روًح الماقى سايل.....تقول غير ساعته وطيت جحيمه

أوراق اندسن..........................اوراق بوقطاطى لاورا عاكسن

خايف لهن يفطن يجى يكنسن.......االياس كنسته لعزيز ومواهيمه

محافظ عليهن مابشر يلمسهن.......يشوه معالمهن تكون جريمه

عاتقتنى وين الدموع يخصن.......اوراق للبكا ماهن اوراق عزيمه

زائر

الله عليك صح لسانك

مشكوره ايوتا على المطالعه
ولكي مني كل التقديررررررررررر

صحيت قصيدة جميله

فرغم انها قديمة الا انني لا امل

سماعها او قراءتها

مشكور ياحبوني على
التشجيع المتواصل

» الشاعر يونس الشلبي(جفاك شين)
» غلاك الجاير للشاعر يونس الشلبي
» ماني خصيص ادموع قصيدة= للشاعر ..يونس الشلبي..
» مداخلة بين الشاعر/عبدالسلام إبراهيم بوجلاوي ووالده الشاعر المرحوم وإبراهيم بوجلاوي
» شريط كامل الشاعر الكبير يونس المسماري .. طق ..