ياريتني نقدر**** ننسى ونصبر

لما تشوف انسان اول مرة وتحس بانك تجمدت مكانك
وتحس بانك شفت ملاك حتى لو انه مش اجمل انسان في الدنيا
ولما هالانسان يشغل بالك وتفكيرك لحد ما تصير ما تشوفش ولا تسمع ولا تحلم الا بيه
مع العلم بانك ما تشوفش فيه هلبه
[ندعوك للتسجيل في المنتدى أو التعريف بنفسك لمعاينة هذه الصورة]
ولما تصارحه باعجابك وحبك ويحاول يتجاهلك بدواعي واهيه او لانه يفضل الصداقه بس
ولما تزعل منه وتحاول نسيانه شهر اثنين ثلاثة عام. وتلاقيه كل ليله معاك
وتلجأ للمولى وتشكيله حالك وتطلب منه ينسيك فيه وتجتهد في العبادة والدعاء عام اثنين ثلاثة
وتواتيك فرصة انك تتزوج وتعرض عليه الزواج ويتحججلك بصغر سنه
وتجي علي قلبك وحبك وتتوكل على الحي وتقوله توكلت عليك تنسيني موالهوتقول
[ندعوك للتسجيل في المنتدى أو التعريف بنفسك لمعاينة هذه الصورة]
عالقديم سفيت رديم ومعا جديد نيراني والعه
[ندعوك للتسجيل في المنتدى أو التعريف بنفسك لمعاينة هذه الصورة]
وتتفاجأ بنفسك من اول ايام فرحك بالجديد تنادي عالقديم في نومك
لا مش هكي بس. وتتخايل جديدك قديم وتغلط في اسمه قدام وجهه
وتلقاه معاك في لياليك اشد ما يكون القرب بين اثنين
[ندعوك للتسجيل في المنتدى أو التعريف بنفسك لمعاينة هذه الصورة]
ولما تشكي لاصحابك واحبابك يحطو اللوم عليك
ويقولولك حرام عليك تخون شريك حياتك وتفكر في غيره
حرام عليك راعي صغارك. حرام عليك راعي عيالك
ولما نربي شوية عزم يجي خياله في الليل يهدمه
[ندعوك للتسجيل في المنتدى أو التعريف بنفسك لمعاينة هذه الصورة]
ولما تشكي لقديمك بحالك واللي صايرلك
يقولك صغارك كيف تقول هكي
عيب عليك.. حرام عليك
خيرها مش مساعداتك. مش مريحاتك
وترد بالصدق وتقوللها مريحتني وانحبها ونحب صغاري. لكن
[ندعوك للتسجيل في المنتدى أو التعريف بنفسك لمعاينة هذه الصورة]
الموج بينهن مارقت... اقطع رياي صوبين درتهن
[ندعوك للتسجيل في المنتدى أو التعريف بنفسك لمعاينة هذه الصورة]
انحبك ونحبها
لا نقدر ننساك ولا نقدر ننساها
اي حد حيقوللي مستحيل كلامك
لكن هذي الحقيقة سنين عذاب ومرار
بين القديم وصوبه وبين الجديد بروعته واسلوبه
احتار خاطري
تمر عليك ايام وايام وشهور وسنين
[ندعوك للتسجيل في المنتدى أو التعريف بنفسك لمعاينة هذه الصورة]
تقليب على الجمر اهةن من العذاب اللي تعيشه بين
سيفين من نار ويتعاركوا في الكبد
يالله ياعالم بكل خفيه **فيدك اسرار الكون ياوهاب
كبدي على نار الحطب مشويه ** عجل دواها قبل ما تنصاب
جيت في الضحى يا محرفك من جيه** لقيت فوق من حوش العزيز اسراب
[ندعوك للتسجيل في المنتدى أو التعريف بنفسك لمعاينة هذه الصورة]
وفارقنا العزيز وناره كل يوم تزيد
وتزيد وتزيد
قولولي كيف نقدر ننسى؟
[ندعوك للتسجيل في المنتدى أو التعريف بنفسك لمعاينة هذه الصورة]
ياريتني نقدر***ننسى ونصبر

مشكور

شكرا على مرورك

زائر

شكرا لك

عرض دقيق و اسلوب مميز ....الله يصبره و يقدره على مشواره

والله شغلتني عليه............ربي يكون في عونه

نقوله : سوالك على اللي ما يسال عليك منقدة
و اذا كان عذرك: جديد ما بلاه أتحمل . . . و لا قديم عيني ناسيه
اعلم :جديد هو اللي يالاك ... إلا القديم يا العين هالبك

انت ما كنت لا قديمه و لا جديده كنت وحدك في نار الغلا و الا ما كان هلبك لما واتت فرصة لم الشمل
اشقى باللي امعاك نصيبك ماللولي امفيت قلة الهنا

آسفة لو قسيت بس بدت لي هكي الصورة

لا تحرمنا ابداعك

كل الشكر ليك علي مرورك
صفحتي نورت
الطير الجريح
تحياتي
[ندعوك للتسجيل في المنتدى أو التعريف بنفسك لمعاينة هذه الصورة]

كل الشكر ليك علي مرورك
فعلاً انت قلتي الصدق لكن

اللي ما ذاق النار يقول ...امغير اصبر شدة وتزول
واللي زايد الطين بله زي قولت اللي قال
نهار فراقه عمرك ريت.... ذهبنا في صاحبة البيت

سمـارا
نورت صفحتي بمرورك وتعليقك الرائع
تحياتي
[ندعوك للتسجيل في المنتدى أو التعريف بنفسك لمعاينة هذه الصورة]

يصراحه روعه والاسلوب اروع وموضوع واقعي والف الف شكر لطرح هذا الموضوع
تحياتي

نورتي صفحتي بمرورك

وزينتيها بكلامك الحلو

وعطرتيها باسلوب ردك الرائع

الصغيرونة

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

شكرا على الكلمات

زائر

ربي يصبر الجميع على بلواهم ...
خلي صاحبك يجلس أمام البحر ويستغرق بتفكيره في من ..ضاعت منها القسامي...
يفكر في كل كبيرة وصغيرة فيها ومعها,,,, ويصرخ باسمها متحديا ارتفاع صوت الأمواج .... سيتألم قليلا في البداية وقد يحتاج لإعادة ذلك مرات معدودة ومن ثم سيجد نفسه ارتاحت... وأصبح كل شيء ذكرى ... سبحان الله...
وما تنسى طمنه عليه

تسلمي شونا

الشكر كله ليك على طلتك البهية

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

تسلمي شوق علي

ان شاء الله مش حننسى نوصلله نصيحتك ونطمنك علي اخرى

الشكر كله ليك على طلتك البهية

تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

الله يصبره لكن النسيان مستحيل والهي
(يموتوا اللي حيين ويعيشوا المدوفنيين ويفنى عمر جديد ولا غلا عزيز جا دونه غلا) :ئءر:

حلوه ورائعه كلماتك يا خوى
[ندعوك للتسجيل في المنتدى أو التعريف بنفسك لمعاينة هذه الصورة]

الله يسلم ايديك ويعطيك العافية

شارده

شكراً

[ندعوك للتسجيل في المنتدى أو التعريف بنفسك لمعاينة هذه الصورة]

الله يسلم ايديك ويعطيك العافية

N

شكراً

[ندعوك للتسجيل في المنتدى أو التعريف بنفسك لمعاينة هذه الصورة]

» ولا نصبر فى يوم بلاك *** ولا نقدر ننسى ماضيك اللى العالى مولاى عطاك *** انتى زينه وربى عطيك
» تحساب ما نقدر انعيش بعدك
» ما ننسى خطاكم لين
» كيف ننسى وانت بصدري الاسى ........