ما فتـْـنـَـا بَـرقــَه[ الشيخ حسين محمد الاحلافى]

ما فتـْـنا برقـه يا خِـيْـنا نيـــن عَطينــا فرْسان عزيزين علينا


مـــا فتـْـناهــــا لسْـتعـْمـــــــــاره***جيــــش الطـّـليــــان وْتنـْـصيــره

نيـــــن غـْـلبْـنــــا في تيّــــــــاره***نـَمْحـَـوا لـَــــوّل وْيجــــي غـَيْـرَه

ما مــــن يوم تـْـلهْـلــــب نــــاره***كـــي لبـْـــذار يْجـــــــي قــزّيـره

ما تسْمـــــع حتـّــــــى خبّـــــاره***غيْــــر المَـدفـَـــع وتـْحنـْجيـــــره

والــرّشـّـــاشــــات البثــّـــــــاره***والبــــــارود يْـثـــوبْ ذخيــــــره

وطـْــرمْبيلاتــــــه تجــّـــــــارى***وتـْـقــــول فـْــراق طـْيــــاييــــره

والخيـــــل مْباجيــــــد سكــارى***والصّــــــادي عـــــالي تهْديــــره

بانـَــــو فيـــــه اللـّي ديـّــــــــاره***غــــــاروا عَ الكفــّــــار مْغـِـيـره

جَـــو كيـــــف طـْيور البــــزّاره***وقـْـتـــا سمْعَــــوا قـَـولـَـــة دَيـْـره

خشـــّـــوا عَ الرّومي بْجســــاره***مــــا هابــــوا نـــــار طيابيـــــره

تمـّـــا ببْـغـولــــــــــه يــــــذارى***وقـْـتا ضاقــــتْ بــه الحضيــــره

سَيـّـــب ضبّاطــــه واجّــــــارى***م الخــــوف وْفــــات البنـْديـــــره

ما فكـّـنـّـــــه غيــــــر اسـْـــواره***باتــــتْ عَ الطـّـليــــان حَـشيـــره

يومــــا مشهـــــورات اخـْبــــاره***كــــي يـــوم ( القرقف) وْنظِـيـره

و(الجمـْــعه) مشـْهـور و (ماره)***و( القـَـْرضَـابيّــــــه) الشـّهيــــره

من غيـــر (القبــّه) و( بـْشــاره)***دعْـكـَـــــه في (خـَـوْلان) كبيــره

مَلـْطـَـــمْ ( قرْنـــــاده) بيــــزاره***يــرْبي ومْـــلاقى ( العقيــْــــــره)

و( الغبــي) وْيــــوم ( القطــّاره)***و(بْريْـقــَــه) و(بْـــــلال) وْغيـره

هــــلْ برقـَــــه ما هـم خـَــــوّاره***غيــر انـْـشـــد عنـْهم ( باليــــرا)

هــــــلْ جيـِّـــد يكـْرم خطـّــــاره***والجـّـــار مْـفــرْشـــك في خيــرَه

هـــــلْ كـَــوت يْواليـــــك مساره***بالفــضـّــــه يضــّــــــاوى دَيـْـرَه

ورْكابــــــه دايـــــــرْ كبـّــــــاره***وحْـــــلاط يْعَجـّـــــب تنـْويـــــره

باعَـتــّــم في سـُـــوق خـْسـَـــاره***ملـّــــــة لـَــــــرْوام الخنـْـــــزيره

واحـــد طـَــاع كـْســـر منـْـقــاره***مــا يقـْـــدَر يــــدوي بْبصيــــــره

زامـــطْ منـْهــــــم كـــلّ مــراره***ما حـَــــدْ عَــارف ويـشْ مصيره

واللــّي هَــجّ وْفـــــات دْيــــــاره***تمـّا غـَيـــــر مْجـــــاور جيـــــره

لـــَو عــــــاد بْسابـــــق سيّــــاره***لا هـــــو بالــــدّقــــره القصيــره

لا هــــو بيــــت وسيْـــع مــداره***لــَـو ناقــــه لا ضَـــــان كبيــــره

يجـّلـّى مَـــــو مــــــاســــك داره ***والجـّـالـــي فرْقـَــة تـُـــــوكيـــره


غيّــرْ عَ الدّنيا غـَـيّاره مــالــــت بيـْـنـــا نين ايّـــام العـــزّ نـْسينـــا