احبابي جبت لكم قصيده بعنوان/رساله الى الدكتوره سلوى

العين والعه بالوطـــن وحكاياتــه على ما جرى من مـوح مانسياتـــه
مي مرتده ولا مابيه تنسي بطول المــــــــــده
ومازول ينسى وطن بوه وجـــده إلا شخص تافه كـي بالاش حياتـــه

*********************
والعـه منهاســة مرايفه ع الوطــــن العزيـز وناسـه
ومي ناسية حتى بطولة ياســــــه ولا تبدله بالنيــل لو طالاتــــــــــــه

*********************
كايده فــــــي الحمله ومرايفه على الشبرم وقيس الرمله
وغيطان دفنه والسقايف جملــــه وطبرق وحومة عكرمـــة مزاتـــــه

*********************
مي صبارة مرايفه على درنة ووادي مــــــارة
وبوشال والقبة وقس بشــــــــاره والقيقب وغاشي كان في مجباتــــه

*********************
تذرف ديمه مرايفه رياف يهم فات القيمـــــــــة
على ترت والصفصاف ومواهيمة وشحات والعالم اللي حازاتــــــــــه

*********************
دمعها شلالي وما نلومها ديمه الموكر غالـــــــي
مرايفه على لابرق ووادي لالــي وقيس قليشه وسباق وجناناتـــــــه

*********************
مرايفه على الفايديه وبلقس وع الباطن اللي قبليــــــــه
ولا فوق على الشارب على عاليه أوادي القصور وماحون جالاتـــه

*********************
مرايفه ع البيضا تاخــذ الليل تنين كي المريضــــــــة
ما نلومها حب البلاد فريضـــــــة واجب على لإنسان كيف صلاتـــــه

*********************
والعه ولهانه مرايفه ع المرج وعلي سكانــه
وعلي توكرة واظهر على دريانه ولا بيار والرجمة وماحقاتـــــــــــه

*********************
مرايفه على بنغازي تاخذ الليل وهي مغير اتــــــــزازي
رياف كل يوم يزيد مو مــتوازي لا عنها دبار لاتبعاتـــــــــــــــــــــه

*********************
والعه منحرقة العين ع الجبل كله وجملة برقـــــة
مرايفه ع اللي من زوارة شرقه على طرابلس واظهر على مصر